विनय कर्ण,सप्तरी : राजविराजमा शनिबारदेखि प्रथम देवसुन्दर राष्ट्रिय महिला एवं पुरुष भारोत्तोलन प्रतियोगिता शुरु भएको छ ।
जिल्ला खेलकुद विकास समितिको कभर्डहलमा शुरु भएको प्रतियोगिताको प्रदेश नम्बर २ का सामाजिक विकास मन्त्री नवलकिशोर साहले उद्घाटन गरेका छन् ।
उनले १८ केजिको वारबेल (भार) उचालेर प्रतियोगिताको उद्घाट्न गर्दै खेलकुद क्षेत्रको विकासका लागि “खिलेगा मधेश, खेलेगा मधेश” (मधेश फल्ने फुल्ने छ, मधेशले खेल्ने छ) को सिद्धान्तका साथ प्रदेश सरकार अघि बढेको बताए ।
प्रदेशमा खेलकुदको विकास, बिस्तार, प्रवद्र्धन, संचालन र व्यवस्थापनका लागि यस्ता प्रतियोगिताले खेलक्षेत्रका साथै खेलाडी र देशको विकासमा पनि टेवा पु¥याउने विश्वास व्यक्त गरे ।
प्रतियोगिता सफलताको शुभकामना दिँदै नेपाल भारोत्तोलन संघका केन्द्रिय अध्यक्ष रामकृष्ण श्रेष्ठले मुलुकका लागि सर्वाधिक पदक ल्याउने खेल मध्येका एक भारोत्तोलन खेल भएको बताए ।
जिल्ला भारोत्तोलन संघ सप्तरीको आयोजनामा संचालित प्रतियोगितामा सात वटै प्रदेशका साथै सेना, सशस्त्र र नेपाल प्रहरीका गरि १ सय २० महिला र पुरुष खेलाडीको सहभागिता रहेको आयोजक संस्थाले जनाएको छ ।
प्रतियोतिामा विभिन्न तौल समूहमा महिलातर्फ १७ र पुरुषतर्फ १८ खेलमा प्रतिस्पर्धा हुनेछ । प्रतियोगिताको पहिलो दिन शनिबार महिलातर्फको ४५ केजी सिनियर समूहमा नेपाल प्रहरीकी हिरामोति थारुले स्वर्ण पदक हात पारेकी छिन् ।
यस्तै ४५ केजी महिला यूथतर्फ बर्दियाकी अरुणीमा थारु स्वर्ण, सप्तरीकी अम्बिका यादव रजत र कास्कीकी अनिका गुरुङ कास्य पदक जितेकी छिन् ।
४५ केजीकै महिला जुनियरतर्फ बर्दियाकै अरुणीमा थारु स्वर्ण, दाङकी सम्झना चौधरी रजत र सप्तरीकी काजल सदा कास्य पदक हात पारेकी छिन् ।
महिलाको ४९ केजी सिनियरतर्फ नेपाल प्रहरीकी संगिता राई स्वर्ण र ललितपुरकी उत्साह पाण्डे रजत पदक जितेकी छिन् । ४९ केजी महिला युथतर्फ सप्तरीकी पूजा मण्डल स्वर्ण, कास्कीकी सुस्मा काफ्ले रजत र सप्तरीकी ज्योती मण्डल कास्य जितेकी छिन् ।
४९ केजी महिला जुनियरतर्फ बर्दियाकी पवित्रा थापा मगरले स्वर्ण पदक जितेकी छिन् । यस्तै पुरुष सिनियरको ५५ केजि तौल समूहमा सेनाका तुलाराम महतोले स्वर्ण, नेपाल प्रहरीका गणेश रानाभाटले रजत तथा बर्दियाका रामकुमार थारुले कास्य पदक हात पारेका छन् ।
उद्घाटन खेलमा बिजेताहरुलाई कार्यक्रमका विशिष्ट अतिथि पूर्वमन्त्री मातृका प्रसाद यादव तथा बोदेबरसाईन नगरपालिकाका प्रमुख आतेश कुमार सिंहले पुरस्कार बितरण गरेका छन् । उद्घाटनका अवसरमा अन्तराष्ट्रिय पदकधारी खेलाडी समेत रहेका अशोक फिटनेश कम्पनीका संचालक अशोक शाहीले विभिन्न जिल्लाका खेलाडीलाई ५० हजार मुल्य बराबरको खेल सामाग्रि निशुल्क उपलब्ध गराए ।
भारोत्तोलन सप्तरीका अध्यक्ष महेश प्रसाद यादवको अध्यक्षतामा आयोजित उद्घाटन समारोहमा संघका वरिष्ठ उपाध्यक्ष पार्थोसार्थ सेन गुप्ता, महासचिव तिलक राउत, सल्लाहकार सूर्यनाथ यादव, राजविराज नगरपालिकाका प्रमुख शम्भु प्रसाद यादव, काठमाडौं भारोत्तलन संघका अध्यक्ष बिजेन्द्र बिक्रम शाह, जिल्ला खेलकुद विकास समिति सप्तरीका कार्यालय प्रमुख दिनेश भुजेल लगायतले पनि शुभकामना दिएका थिए ।
दुई दिनसम्म चल्ने प्रतियोगितामा बिजेतासँगै स्ट्रोङगेस्ट म्यान अफ द टुर्नामेन्ट, स्ट्रोङगेस्ट वुमेन अफ द टुर्नामेन्ट, सर्वोत्कृष्ट महिला र पुरुष तथा राइजिङ प्लेयर महिला र पुरुष खेलाडीको पनि छनोट गरि नगद पुरस्कार प्रदान गर्ने कार्यक्रम रहेको संघका अध्यक्ष यादवले जानकारी दिए ।
सप्तरीका पुराना एवं पूर्व राष्ट्रिय भारोत्तोलन खेलाडी राजविराज निवासी ५२ वर्षिय देवसुन्दर यादवको २०७६ कात्र्तिक १४ गते निधन भएको थियो । उनकै स्मृती एवं सम्मनमा राष्ट्रिय स्तरको प्रतियोगिता आयोजना गरिएको छ ।
तपाईको प्रतिक्रिया !!