टुडे एक्सप्रेस । जनकपुरधाम । जनकपुरधामको रंगभुमी बाह्र विघा मैदानमा जारी टि–२० क्रिकेट प्रतियोगितामा सिरहा र धमौरा विजय भएको छ । शुक्रबार भएको दुई छुटाछुट्टै खेलमा धमौरा क्रिकेट क्लव र सिरहा क्रिकेट एकेडमीको विजय भएको हो। पहिलो खेलमा धमौरा क्रिकेट क्लवले राजदेवी युवा कमिटीलाई ११ रनले पराजित गर्दै जित हात पारको छ । टस जितेर ब्याटिङ राजेको धमौरा क्रिकेट क्लवले पुरा २० ओभर खेल्दै ६ विकेटको क्षतिमा १ सय ३२ रनको लक्ष्य राजदेवी समक्ष प्रस्तुत गरे । धमौराका लागि राजकुमार सहनीले १० चौका प्रहार गर्दै सार्वधिक ४९ बलमा ७३ रन र सुधिर मण्डलले १९ बलमा १४ रन बनाए । धमौराका अन्य ब्याटस म्यानले दोहरो अंकमा रन बनाउन सकेनन् । राजदेवीको तर्फबाट बलिङ गरका त्रीदेव चौधरी, दीपक यादव, अमित मण्डल, चन्दन मण्डल र प्रशान्त अरविन्दले समान १÷१ विकेट लिए ।
जवाफी ब्याटिङ्मा उत्रेका राजदेवीका लागि सार्वधिक गणेश यादव १३ बलमा २४, किसन साह २२ बलमा १४ र प्रशान्त अरविन्दले ११ बलमा १२ रन बनाए । सुरुवातदेखि नै कमजोर ब्याटिङ गरका राजदेविको तर्फबाट अन्य ब्याटस म्यानले दाहरो अंकमा रन बनाउन सकेनन्। धमौराको तर्फबाट बलिङ गर्दै प्रविण यादवले उत्कृष्ट बलिङ गर्दै ४ ओभरमा १८ रन खर्चेर ३ विकेट लिए । इलियास अन्सारीले ४ ओभरमा २५ रन खर्चेर २ विकेट, राम मण्डल र राहुल यादवले समान १÷१ विकेट लिए । शुक्रबार नै भएको दोस्रो खेलमा सिरहा क्रिकेट एकेडमीले युनिक क्रिकेट टिमलाई ३३ रनको फराकिलो अन्तरले पराजित गरको छ ।
टस जितेर पहिला ब्यटिङ् राजेको सिरहाले पुरा २० ओभर खेल्दै ९ विकेटको क्षतिमा १ सय २३ रनको लक्ष्य युनिक समक्ष प्रस्तुत गरे। सिरहाको तर्फबाट ब्याटिङ गर्दै नन्दन यादवले ३७ बलमा ४०, विवेक यादव २३ बलमा २३ र राकेश कामतिले २० बलमा २१ रनको योगदान दिए । युनिकको तर्फबाट बलिङ गर्दै जमसेदले ४ ओभरमा २४ रन खर्चेर ३ विकेट लिए । राजु र रुपेशले समान २÷२ विकेट लिएको आयोजक संस्थाले जानकारी दिएको छ । यस्तै युनिककै लागि प्रेम र धमेन्द्रले समान १÷१ विकेट लिए । जवाफी ब्याटिङमा उत्रेका युनिकले १ सय २४ रनको लक्ष्य पञ्छयाउँदै पुरा २० ओभर खेल्दै १०विकेट गुमाएर ९० रनमै समेटिए । युनिकको लागि रञ्जितले २९ बलमा २२ रन र रविले ७ बलमा १७ रन बनाए । सिरहाका तर्फबाट बलिङ गर्दै रुपेश सिंहले ४ ओभरमा ८ रन खर्चेर ३ विकेट र दिलिप यादवले ४ ओभरमा २१ रन खर्चेर २ विकेट लिए ।
तपाईको प्रतिक्रिया !!