सूर्य नारायण विक । वीरगञ्ज: वीरगञ्जमा खैरो हेरोइन (ब्राउन सुगर) सहित एक १७ वर्षीय बालकलाई प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय पर्साबाट खटिएको लागूऔषध नियन्त्रण ब्युरो वीरगञ्जको टोलीले वीरगञ्ज महानगरपालिका वडा न. १४ पावर हाउस चौक नजिकैबाट ब्राउन सुगरसहित बालकलाई पक्राउ गरेको हो ।
वीरगञ्ज महानगरपालिका वडा नम्बर १३ निवासी १७ वर्षीय बालकको साथबाट प्रहरीले ६ वटा सेतो प्लाष्टिकको पोका भित्र लुकाईछिपाई राखिएको ३० ग्राम ब्राउन सुगर बरामद गरेको जिल्ला प्रहरी कार्यालय पर्साका प्रवक्ता एवम् प्रहरी नायव उपरीक्षक (डिएसपी) ओमप्रकाश खनालले बताए ।
बालकमाथि शङ्का लागेर चेकजाँच गर्ने क्रममा ब्राउन सुगर बरामद भएको डिएसपी खनालले जानकारी दिए । बालकलाई नियन्त्रणमा लिएर पर्सा जिल्ला अदालतबाट पाँच दिनको म्याद थप गराई आवश्यक अनुसन्धान अगाडि बढाइएको प्रवक्ता एवम् प्रहरी नायव उपरीक्षक खनालले बताए ।
तपाईको प्रतिक्रिया !!