धनवीर महतो । महोत्तरी । महोत्तरीस्थित प्राथामिक स्वास्थ्य केन्द्र गौशालालाई क्षयरोग जाँच्ने अत्याधुनिक उपकरण जिन स्पोट प्राप्त भएको छ । विएनएमटी नेपाल नामक संस्थाले सो अत्याधुनिक प्रविधियुक्त क्षयरोग जाँच्ने उपकरण प्रदान गरेको हो। शुक्रवार प्राथामिक स्वास्थ्य केन्द्र गौशालामा आयोजित एक समारोहकाबीच विएनएमटी नेपालका निर्देशक सुमनचन्द्र गुरुङ्गले नगरप्रमुख शिवनाथ महतोलाई सो उपकरण हस्तान्तरण गरेका छन् । एकपटकमा ४ जनाको टिभी परीक्षण गरी २ घण्टामैं रिपोर्ट तयार हुने किसिमको मेसिन जडान भएपछि यहाँका सर्वसधारणलाई सो रोगबाट अकालमा ज्यान गुमाउनुपर्ने अवस्थाको अन्त्य हुने निर्देशक गुरुङ्गले बताए ।
प्रदेश सरकारले गौशला क्षेत्रलाई नमूना स्वास्थ्य क्ष्ँोत्रको रुपमा स्थापित गर्न चाहेको प्रदेश स्वास्थ्य निर्देशनालयका कार्यकारी निर्देशक विजयकुमार झाले बताए । उनले प्रदेश नं. २ लाई अन्य प्रदेशको तुलनामा उत्कृष्ट र नमुना बनाउनका चाँडै नै स्वास्थ्य नीति ल्याईने बताए । गौशाला नगरपालिकाका प्रमुख शिवनाथ महतोले प्रदेशकै नमुना स्वास्थ्य संस्थाको रुपमा प्राथामिक स्वास्थ्य केन्द्रलाई स्थापित गर्नका लागि हरसम्भव तयार रहेको बताए । प्रदेश सरकार लगायतका सरोकारवाला निकाय समक्ष आवश्यक जनशक्ति एवम् प्राविधिक सहयोग लिई प्रदेशमै नमुना स्वास्थ्य संस्थाको रुपमा स्थापित गर्नका लागि नगरपालिका तयार रहेको नगरप्रमुख महतोले प्रतिवद्धता जनाए ।
तपाईको प्रतिक्रिया !!