रुपेन्द्र पटेल । चन्द्रनिगाहपुर । सरकारले विद्यालय खोल्न अनुमति दिएसंगै रौतहटका सामुदायिक विद्यालय तथा निजी स्कुलहरू पूर्ण रुपमा खुलिसकेका छन्। नौ महिनापछि खोलिएका विद्यालयहरूमा अझ पुर्ण रुपमा विद्यार्थीहरू आउन सकेका छैनन्। कोरोना महामारी अघि सामुदायिक विद्यालयको शैक्षिक गुणस्तर सुधारका लागि रौतहटका स्थानीय तहहरूले विद्यार्थी केन्द्रित कार्यक्रम चलाएका थिए । विद्यार्थीलाई नियमित उपस्थित गराउने उद्देश्यले विद्यालयमा दिवा खाजाको व्यवस्था गरिदिएपछि प्रभावकारी बन्दै गएको थियो। तर कोरोना महामारी पछि सो कार्याक्रम रौतहटको कुनै स्थानीय तहको विद्यालयले पूनः सञ्चालनमा ल्याउन सकेको छैन । कोरोना अघि रौतहटका विद्यालयमा दिवा खाजाको व्यवस्था गरेसंगै सामुदायिक विद्यालयमा विद्यार्थीको उपस्थिति दर बढेर गएको थियो।
तर कोरोना पछि सो कार्यक्रम न ल्याउँदा विद्यालयमा विद्यार्थीको उपस्थिति कम भएको जानकारहरू बताउँछन्। सामुदायिक विद्यालयमा ५ कक्षासम्मका विद्यार्थीलाई दिवा खाजा कार्यक्रम ल्याइएको थियो। दिवा खाजा सञ्चालनका लागि स्थानीय तहले रकम विनियोजन गर्न‘ पर्ने प्रवधान छ । दिवा खाजाको कार्यक्रम सुरु गरपछि े अध्ययन अध्यापनमा समेत सहजता भएको शिक्षकहरूको अनुभव छ । पहिले–पहिले खाना नखाई आएको भनेर विदा माग्ने विद्यार्थीहरू सो कार्याक्रम आएपछि पूरा समय बस्ने गरेका थिऐ । सो कार्यक्रमले शैक्षिक गुणस्तरमा समेत सुधार हुँदै गएको थियो। हाजिरीको आधारमा कक्षा १ देखि ५ सम्मका प्रत्येक विद्यार्थीलाई खाजा बापत २० रुपैयाँ उपलब्ध गराउँदै आएका थिए ।
उक्त रकमले विद्यालयमा नै दैनिक रुपमा खाजाको व्यवस्थापन हुन थालेको थियो। खाजा पाएपछि बिद्यार्थीहरू मन लगाएर पढ्ने र जोस जाँगरका साथ अतिरिक्त क्रियाकलापमा सहभागी हुने गरेका थिए । तर कोरोना महामारीपछि खुलेका सामुदायिक विद्यालयमा दिवा खाजा कार्यक्रम बन्द रहेको छ । दिवा खाजा कार्यक्रम बन्द भएपनि स्थानीय तहबाट सोको नाउमा रकम भने निकासा हँुदै आएको छ । सो कार्याक्रम बन्द नगर्न सरकारले निर्देशन दिएपनि रौतहटका स्थानीय तहका सामुदायक विद्यालयहरूले ल्याउन सकेका छैनन्। यता दिवा खाजा कार्यक्रम तुरुन्त सञ्चालन गर्न अभिभावकहरूको माग छ ।
तपाईको प्रतिक्रिया !!