टुडे एक्सप्रेस । जनकपुरधाम । संखुवासभा–महोत्तरी चार सय केभी प्रसारण लाइन निर्माण कार्यको शिलान्यास गरिएको छ । अरुण तेस्रो जलविद्युत परियोजना अन्तर्गत संखुवासभाको खांँदवारीदेखि महोत्तरी जिल्लाको जलेश्वर नगरपालिका हुँदै भारतीय सीमा भिठ्ठामोडसम्म चार सय केभी प्रसारण लाइन निर्माण कार्यको बिहीवार शिलान्यास गरिएको हो। महोत्तरीका प्रमुख जिल्ला अधिकारी केशव प्रसाद विमलीले जिल्लाको भङहा नगरपालिकामा यस प्रसारणको लाइन निर्माण कार्यको शिलान्यास गरका े हुन्। भङहा बाट सुरु गरिएको परियोजनाको पहिलो सुरुवात हो।
परियोजनाको निर्माण कार्य सम्पन्न भएर सञ्चालनमा आइसकेपछि त्यस क्षेत्रमा विद्युत आपूर्ति हुने विश्वास गरिएको छ । शिलान्यास कार्यक्रममा प्रमुख जिल्ला अधिकारी विमलीले परियोजनाको सफलताले यस क्षेत्रको विद्युतको समस्या समाधानमा सहयोगी प्रमाणित हुने बताए । प्रमूख जिल्ला अधिकारी विमलीले परियोजनामा सबै सरोकार बला निकायलाई सहयोग गर्न आग्रह गरे। प्रजिअ बिमलीले शिलान्यास गरेको कार्यक्रममा राष्ट्रिय अनुसन्धान जिल्ला कार्यलय महोत्तरीका प्रमुख कुमार खडका, प्रशासकीय अधिकृत रन्जित कुमार यादव, अरुण तेस्रो जलविद्युत परियोजनाका प्रमुख इन्जिनियर हरिश शर्मा, एस. के. शर्मा, चन्दन मेहता, भङहा नगरपालिका वडा नम्बर ३ का वडाध्यक्ष ओहित मियालगायतको सहभागिता रहेको थियो ।
तपाईको प्रतिक्रिया !!