‘एड्स संक्रमितलाई हेला गर्नु हुँदैन’

टुडे एक्सप्रेस । जनकपुरधाम । जनकपुरधाममा आयोजित एक कार्यक्रमका वक्ताहरूले एचआइभी एड्स संक्रमितलाई समाजले हेला गर्न नहुने धारणा राखेका छन् । स्थानीय निकायसँग एचआइभी संक्रमितको मानव अधिकार विषयक अभिमुखिकरणमा सहभागी वक्ताहरूले यस्तो धारणा राखेका हुन् ।

राष्ट्रिय एचआइभी तथा एड्स महासंघ नेपालको आयोजनामा भएको सो अभिमुखिकरण कार्यक्रममा प्रमुख अतिथिका रुपमा रहेका जनकपुरधाम उप–महानगरपालिकाकी उपमेयर रिता मिश्रले चेतनाका कारण सामाजमा एड्स जस्ता विरामी अझै अपहेलिन हुने गरकोमा दुःख व्यक्त गरिन् । उनले पीडामा रहेका कसैलाई पनि हेला नगर्ने वातावरण समाजका अगुवाहरूले बनाउनुपर्नेमा जोड दिइन् । सो कार्यक्रममा राष्ट्रिय मानव अधिकार आयोग प्रदेश २ का अधिकृत मायाराण मगर, राष्ट्रिय एचआईभी एड्स महांसघ नेपालका प्रदेश १ र २ का फिल्ड संयोजक संतोष कुमार साह, प्रोभेन्सियल सुपरभाईजर चन्दन कुमार साहले लगायतको सहभागिता रहेको थियो ।