सम्पादकीय
महोत्तरीको पिपरा गाउँपालिका ५ का वृद्ध झा दम्पती बेपत्ता भएको २४ दिनको दिन केन्द्रीय अपराध अनुसन्धान व्यूरो(सिआईबी) को टोली महोत्तरी आएको छ । फागुन १० गते राती सुतेकै ठाउँबाट बेपत्ता भएका वृद्ध दम्पतीको अवस्था अझै अज्ञात छ । उनीहरुको अवस्था पत्ता लगाउन जिल्ला र प्रदेश प्रहरीले समेत भएभरको सम्पूर्ण प्रयास गरेकै हो । उनीहरुले प्रयोग गर्ने झुल एक पोखरीमा भेटिए पछि ५० भन्दा बढी पोखरीमा गोताखोरहरुमार्फत खोजी गरिएकै हो ।
प्रहरीले अनुसन्धानका लागि धेरैलाई सोधपुछ र अनुसन्धान गरेकै हो । ती दम्पती मोहीको साछी बसेको कारण उनीहरुको अवस्था बेपत्ता पारिएको हुन सक्ने भन्दै समन्धित सबैलाई प्रहरीले सोधपुछ तथा अनुसन्धान ग¥यो । तर पनि प्रहरीले यतिका दिन देखि ती वृद्ध दम्पती कहाँ छन् भनेर सुईको समेत पत्ता लगाउन सकेन । प्रहरीले हामी खोजी गरिरहेका छौं भन्ने आश्वासन मात्रै दिई रह्यो । आफन्त पनि प्रहरीले खोजी गरिरहेको विषयमा पूर्ण रुपमा विश्वस्त हुन सकेनन् । घटनाले सोहडवा गाउँभरी नै त्रास फैलियो ।
झा दम्पतीको विषयले विभिन्न सामाजिक सञ्जाल र मिडियाहरुमा पनि बाक्लै स्थान पाउन थाले । यहाँका मिडियाहरुले छ्यापछ्याप्ती झा दम्पतीकै विषयमा समाचारहरु सम्प्रेण गर्न थाले । प्रहरीले वृद्ध झा दम्पतीको खोजतलासमा कुनै कसर बाँकी राखेन तर पनि प्रहरीको अनुसन्धान विश्वनीय हुन सकेन । उनीहरुको खोजीमा प्रहरीले पनि सफलता हात पार्न सकेन । झा दम्पतीको खोजविनका लागि आफन्त, स्थानीयसहित विभिन्न ४४ बढी संघसंस्थाले स्वतः स्फुर्त रुपमा दबाब दिन थाले । झा दम्पतीको अवस्था छिटो सार्वजनिक गर भन्दै उनीहरुले विभिन्न आन्दोलन, विरोध प्रदर्शन र चक्काजाम समेत गरे । उनीहरुले प्रहरीमाथि विश्वास नभएको भन्दै केन्दीय अनुसन्धान व्यरोले नै घटनाको अनुसन्धान गर्न माग गरे । फलस्वरुप केन्द्रीय अनुसन्धान ब्यरोको एक टोली महोत्तरी आएर अनुसन्धान थालेको छ ।
हुन त प्रहरीले चाह्यो भने जस्तो सुकै अपराध र अपराधी पनि पत्ता लगाउन सक्छ । तर झा दम्पतीको घटनामा प्रहरीले कुनै सुईको पत्ता लगाउन नसक्नु कतै प्रहरीले नै घटना लुकाउन खोज्दैछ कि भन्ने आशंकाहरु पैदा भएकै हो । प्रहरीले अनुसन्धान गरेको जस्तो देखाउने तर अपराधी पत्ता नलाग्नु नै प्रहरीको नियत अपराध लुकाउने नै भएको हो कि भन्ने आम मान्छेको बुझाई रह्यो । यही घटनाले प्रहरीमाथिको विश्वसनीयता केही कमजोर बनेको देखिन्छ । प्रहरीले नागरिकप्रतिको विश्वास गुम्न दिनु हँुदैन । अब घटनाको सिबिआई को टोलीले अनुसन्धान थालेको छ । सिबिआई प्रति नागरिकले गरेको भरोसा जीतमा परिणत हुनेछ । वृद्ध झा दम्पतीको अवस्था छिट्नै पत्ता लाग्नेछ ।
उनीहरुको घटनामा संलग्नहरु कानूनको कठघरमा आउनेछन् भन्ने विश्वास नागरिकले पालेका छन् । अनुसन्धान सुक्ष्म होस, सतही होस् या जस्तो सुकै होस् झा दम्पतीको अवस्था अब पत्ता लाग्नेमा विश्वस्त भएका । नागरिकको आशालाई निराशामा बदल्ने काम सिबिआईले गर्ने छैन ।
बरु नागरिकको तर्फबाट पनि घटनाको सत्यतथ्य छानविनमा सहयोग गरौं । आगामी दिनमा झा दम्पती झैं अज्ञात भएर बस्नु पर्ने दिन कसैको पनि आउन नदिनु नै नागरिक समाजको समेत दायित्व हो । नागरिक समाज, प्रहरी प्रशासन एक हुँदा मात्रै समाजमा हुने अपराधिक क्रियाकलाप नियन्त्रण गर्न सकिन्छ ।
तपाईको प्रतिक्रिया !!