हरिशंकर शर्मा,वीरगन्ज : कालोबजारी गरेको आरोपमा वीरगञ्जका एक जना व्यापारीलाई पक्राउ गरिएको छ भने ५ जना व्यापारीलाई जरिवाना गरिएको छ ।
पक्राउ पर्नेमा वीरगन्ज महानगरपालिका वडा नं। २५ निवासी ३६ वर्षीय माइस्थानस्थित रतन जेनरल स्टोर्सका सञ्चालक रामबाबु कुमार पटेल रहेका छन् । त्यस्तै, अन्य ५ जना व्यापारीहरुलाई जरिवाना गरिएको छ ।
जिल्ला प्रशासन कार्यालय, जिल्ला प्रहरी कार्यालय, वाणिज्य कार्यालय, उद्योग वाणिज्य संघ र नेपाल पत्रकार महासंघ पर्सा लगायतको प्रतिनिधिको रोहबरमा गरिएको अनुगमनका क्रममा भेटिएका कालोजबारी गर्ने पटेललाई कारवाही प्रक्रिया अगाडि बढाइएको छ ।
अनुगमनको क्रममा वीरगञ्ज महानगरपालिकाको माइस्थान, वसपार्क र घण्टाघर चोकमा रहेका ६ वटा पसलहरुमा अनुगमन गर्ने क्रममा एकजना व्यापारीले कालोबजारी गरेको भेटिएपछि उनीमाथि कालोबजारी अन्तर्गत कारवाही प्रकृया अगाडि बढाइएको जिल्ला प्रशासन कार्यालय पर्साका सहायक प्रमुख जिल्ला अधिकारी भिमकान्त पौडेलले बताए ।
अनुगमनकै क्रममा खरिद विक्री खाता नराखेकोमा माइस्थानस्थित भरत दही भण्डार र बसपार्क स्थित प्रमोद ट्रेडर्सलाई जनही ५र५ हजार रुपैयाँ, बसपार्ककै माँ मिनाक्षी स्टोर्सले समेत खरिद तथा विक्री खाता नराखेको र यूके जेनसल स्टोर्सले म्याद गुज्रेको र तोकिएको मूल्य भन्दा बढी मूल्यमा विभिन्न समानहरु बिक्री गर्दै आएको पाइएकोमा १०र१० हजार रुपैयाँ जरिवाना गरिएको सहायक प्रजिअ पौडेलले जानकारी दिए ।
त्यसैगरि अनुगमनको क्रममा पक्राउ परेका माइस्थानस्थितका रतन जेनरल स्टोर्सका सञ्चालक रामबाबु कुमार पटेलले आफ्नो पसलमा खरिद तथा विक्री खाता नराखेको र अवैध रुपमा राजश्व छली गरेको पाइएकोमा उनलाई पक्राउ गरिएको बताइएको छ ।
पक्राउ परेका पटेलको पसलबाट टोलीले १ लाख ५८ हजार रुपैयाँ बराबरको भन्सार छलि गरि भित्र्याएको चिसो पेय पदार्थ र चकलेट समेत बरामद गरि आवश्यक अनुसन्धानका लागि वीरगन्ज भन्सार कार्यालय पर्सामा बुझाइएको बताए ।
तपाईको प्रतिक्रिया !!