धर्मेन्द्र पासवान,सिरहा : सिरहाको औरही गाउँपालिकामा १२ सय ४४ जना जेष्ठ नागरिकले कोरोना भाइरस विरुद्धको खोप लगाएका छन् । औरही गाउँ विकास समितिका पुर्व गाविस अध्यक्ष वेचन प्रसाद यादवले प्राथमिक स्वास्थ्य केन्द्र औरहीमा कोरोना विरुद्धको कोभिशिल्ड खोप लगाएर विधिवत रुपमा सुरुवात गरेका थिए ।
कोविड(१९ विरुद्धको खोप अभियानको पहिलो चरणको दोस्रो प्राथमिकतामा रहेका जेष्ठ नागरिकहरुलाई पहिलो चरणको खोप लगाउन लागिएको स्वास्थ्य कार्यालय सिरहाले जनाएका छन् । जिल्लामा यो खोप फाल्गुन २३ गते २५ सम्म र फाल्गुन २८ गते देखि १ गते सम्म दुई चरणमा लगाउने स्वास्थ्य कार्यालय सिरहाका प्रमुख कृष्णदेव यादवले जानकारी गराएका छन् ।
गाउँपालिका भित्र रहेका ६५ वर्ष भन्दा माथि उमेर समूहका जेष्ठ नागरिकलाई खोप लगाउन सुरु गरिएको औरही गाउँपलिकाका स्वास्थ्य शाखा संयोजक उपेन्द्र कुमार यादवले जनाए ।
उनका अनुसार नेपालमा कोरोना भाइरस संक्रमणको बेला जेष्ठ नागरिकको मृत्युदर बढी भएको थियो । कोविड(१९ को जोखिममा जेष्ठ नागरिक नै बढी रहेकाले यो कोभिशिल्ड भ्याक्सिन लगाएपछि जेष्ठ नागरिकलाई रोगसँग लड्ने क्षमतामा वृद्धि विकास भइ यसले कोरोना भाइरसबाट मात्र नभई अरु रोगबाट पनि लड्ने सकिने बताए ।
संयोजक अगाडि थप्छन् हामीले जेष्ठ नागरिकलाई यो लगाउनु भन्दा पहिला गाउँपालिकाको प्रत्येक वडामा स्वास्थ्य स्वयंसेविका परिचालन गरि यो खोप पुर्ण सुरक्षित रहेको हो भने जनचेतनामूलक सूचना प्रवाह समेत गरेको जानकारी गराए । साथै विश्व स्वास्थ्य संगठनले समेत यो खोपलाई प्रयोगको स्वीकृति दिइसकेकोले निर्धक्क भएर यो खोप लगाउन गाउँपालिका भित्र रहेका जेष्ठ नागरिकलाई आग्रह समेत गरेका थिए ।
प्राथमिक स्वास्थ्य केन्द्र औरहीका प्रमुख डा। नवीन कुमार महतोले भने ुयो खोप लगाइसके पछि सामान्य ज्वरो लाग्न पनि सक्छ, तर ज्वरो लागे पनि आत्तिनु हुँदैन । उनका अनुसार अरु खोप जस्तै यो खोप पनि सामान्य नै रहेकोले अरु खोप लगाउँदा पनि सानो तिनो समस्या हुन सक्ने वाहेक केही नहुने डा। महतोले विस्वास व्यक्त गरेका छन् । साथै कुनै जेष्ठ नागरिकलाई खोप लगाइसके पछि कुनै साइड इफेक्ट परि हालेमा आफुले स्वयम् उपस्थित भएर खोप लगाएका बिरामीको अवस्था हेरेको र कसैलाई पनि केही नभएको डा। महतोले जिकिर गरे ।
यता गाउँपालिकाको वडा नं। १ देखि पाँचै वडाको स्वास्थ्य चौकीमा कोरोना विरुद्धको खोप लगाउन एकै दिन सुरु गरिएको ईटाटार स्वास्थ्य चौकीका प्रमुख स्वास्थ्य अधिकृत जर्वन कुमार यादवले बताए ।
स्वास्थ्य अधिकृत यादवका अनुसार ईटाटारमा खोप लगाउने जेष्ठ नागरिकहरुको लक्ष्यित संख्या २ सय १० रहे पनि स्वास्थ्य चौकी ईटाटारमा जम्मा २ सय ४७ जनाले खोप लगाएको हो । यो संख्या प्रतिशतमा १ सय १८ प्रतिशत हो ।
पिपरा स्वास्थ्य चौकीमा अन्तर्गत लक्ष्यित जेष्ठ नागरिक २ सय ८६ रहेकोमा २ सय ८३ जना जेष्ठ नागरिकले खोप लगाएका छन् ।
तुलसीपुर स्वास्थ्य चौकीमा लक्ष्यित जेष्ठ नागरिक २ सय ३ रहेकोमा २ सय ६ जना जेष्ठ नागरिकले खोप लगाएका छन् । हरकट्टी स्वास्थ्य चौकी अन्तर्गत १ सय ५० जना जेष्ठ नागरिक रहेकोमा १ सय ५८ जनाले खोप लगाएका छन् भने गाउँपालिकाका प्राथमिक स्वास्थ्य केन्द्र अन्तर्गत लक्ष्यित जेष्ठ नागरिक २ सय ७९ रहेको भए पनि ३ सय पचास जेष्ठ नागरिकले खोप लगाएका छन् ।
प्रतिशतमा यो संख्या १ सय १० प्रतिशत रहेको औरही गाउँपालिकाका प्रशासन प्रमुख सन्तोष कुमार यादवले जानकारी गराए । प्रशासन प्रमुख यादवका अनुसार स्वास्थ्य कार्यालय सिरहाले जम्मा १ सय ३० भ्याक्सिन भाइल पठाएको थियोे भने जम्मा १ सय २६ भ्याक्सिन भाइल मात्र खर्च भएको थियो ।
तपाईको प्रतिक्रिया !!