सुनसरी : बराहक्षेत्रस्थित कोसीको खयरघारीमा बन्यजन्तुको सिकार गर्ने एक युवालाई एकथान भरुवा बन्दुकसहित बिहीबार सशस्त्र प्रहरी बलको टोलीले पक्राउ गरेको छ ।
सशस्त्रको चतरा सुरक्षा वेसबाट खटिएको टोलीले उदयपुरको बेलका नगरपालिका–९ बस्ने २२ बर्षीय सुमन राईलाई बन्दुकको नालसहित पक्राउ गरेको हो । राई पक्राउ पनि उनको समूहमा रहेका अन्य चारजना भने फरार भएको सशस्त्र प्रहरी निरीक्षक जसबहादुर राईले बताए ।
राईलाई बराहक्षेत्र–२ स्थित कोसीको पुर्वी किनारमा पर्ने आठ आरडिको खयरघारीबाट अपरान्ह ३ बजे पक्राउ गरिएको थियो । राईलाई बिहीबार नै थप अनुन्धान र कारबाहीका लागि नेपाल प्रहरीको जिम्मा लगाएको प्रहरी निरीक्षक राईले बताए ।
तपाईको प्रतिक्रिया !!