जनकपुरधाम जनकपुरधाम उपमहानगरपालिका ९ संकट मोचनस्थित डेराबाटै एक जनाको मोटरसाइकल चोरी भएको छ । सोमवार राति रवि कुमार यादवको २२० सिसि पल्सर मोटरसाइकल चोरी भएको हो। ‘मोटरसाइकल घरमै राखेर राति सुतेको थिए’, पीडित यादवले भने, ‘विहान उठेपछि मोटरसाइकल नै थिएन ।
चोरी भइसकेको थियो।’ मोटरसाइकल कसले चोरी गरेको कुरा थाहा नभएको उनले सुनाए । चोरी भएको मोटरसाइकलको नम्वर प्रदेश ०२–०२ प २१२१ र इन्जिन नम्बर डीकेवाईसीकेजी ९१७६९ रहेको छ । महोत्तरीको भंगहा नगरपालिका ९ घर भएका पीडित यादव डेरागरी जनकपुरमा बस्दै आएका छन्। मोटरसाइकल खोजि गरिदिनका लागि उनले जिल्ला प्रहरी कार्यालय धनुषामा निवेदन दिएका छन्। पछिल्लो समय जनकपुरबाट मोटरसाइकल चोरीको घटना बढेको छ ।
तपाईको प्रतिक्रिया !!