जनकपुरधाम : महोत्तरीको पिपरा गाउँपालिका ५ सहोर्वाका ६५ वर्षीय मोसाफिर झा र उनकी पत्नी अन्दाजी ६० वर्षीया गितादेवी अपहरणमा परेको १२ दिन वितिसक्दा पनि प्रहरी खोज्न असफल भएको छ । झा दम्पतीलाई प्रहरीले फेला पार्न नसक्दा पीडित परिवार चिन्तित बनेका छन्। अपराधीले झा दम्पतीको हत्या गरिसकेको अनुमान धेरैको छ । यद्दपी पुष्टि भने हुन सकेका छैन । झा दम्पतीले प्रयोग गर्ने झुल पोखरीमा भेटिएको र घटनास्थलमा रगतको छिटा देखिएकाले हत्याको आंशा प्रहरीले गरेका छन् ।
झा दम्पतीलाई अपहरणकारीले जिउँदो राखेको कुरामा विश्वस्त छैन । घटनायता प्रहरीले महोत्तरी र धनुषाका ४० भन्दा बढी पोखरीमा सर्च गरिसकेको बताइएको छ । पोखरीमा जाल हान्नाका साथै बोटबाट समेत खोजी गरिएको प्रहरीले जनाएको छ । प्रदेश २ प्रमुख डीआईजी धिरजप्रताप सिंहले शंका लागेका धेरै पोखरीमा सर्च गर्दा पनि झा दम्पती फेला नपरेको बताए । उनले हालसम्म दर्जनौं व्यक्तिसँग घटनाबारे सोधपुछ गरेको पनि बताए । उनले भने, ‘अनेक कोणबाट घटनाको अनुसन्धन गरिरहेका छौं । तर अहिलेसम्म कुनै क्लु भेटिसकेको छैन ।’
झा दम्पती जिउँदो वा मृत कुन अवस्थामा छन् भन्ने कुरातर्फ अनुसन्धान केन्द्रित भएको उनको भनाई छ । चार जनालाई नियन्त्रणमा समेत लिएको र अनुसन्धान गरिरहेको उनले बताए । प्रहरीले झा दम्पतीका छिमेकीसमेत रहेका जग्गा व्यवसायी रामबाबु यादव, भारतीय नागरिक हरेन्द्र ठाकुरसहित ४ जना नियन्त्रणमा लिएको छ । घटनास्थलमा फेला परको े रगतको नमुना परीक्षणका लागि काठमाडौं पठाएको र रिपोर्ट आउन अहिले नआएको उनले जानकारी दिए । झा मालपोत कार्यालयका पूर्व कर्मचारी हुन्। उनी अपहरणमा पर्नुअगाडी जग्गासम्बन्धी विवादमा साक्षी बसेको थिए ।
साक्षी बसेकै कारण उनको अपहरण भएको स्थानीयको अनुमान छ । प्रहरीले सो विषयमा पनि अनुसन्धान गरिरहेको छ । तर कुनै क्लु नभेटिएपछि प्रहरी हैरान छन्। झा दम्पतीलाई खोज्न प्रहरी हरसम्भव प्रयासमा लागेको बताउँछन्। प्रहरीले नियन्त्रणमा लिएका हरेन्द्र र रामबाबुले झुट वयान दिएको कि सत्य भन्ने कुरा पत्ता लगाउन पोलिग्राफ टेस्ट गराएका छन् ।
तपाईको प्रतिक्रिया !!