जनकपुरधाम । आन्तरिक मामिला तथा कानन मन्त्री ज्ञानेन्द्र कुमार यादवले प्रदेश सरकार मिडिया मैत्री रहेको बताएका छन् । शुक्रवार क्रिएटिभ ब्रोडकास्ट प्रा.लि. जनकपुरधामले आयोजना गरेको सामुदायिक रेडियोको समस्या र समाधान विषयक अन्तरक्रिया कार्यक्रमलाई सम्बोधन गर्दै मन्त्री यादवले प्रदेश सरकार मिडिया मैत्री रहेको बताएका हुन्। विगतमा कर्मचारीका कारण सञ्चार विधेयक ल्याउँदा क्रुटी भएको स्वीकार गर्दै उनले प्रदेश सरकार सँधै मिडिया मैत्री रहने प्रतिबद्धता जनाए ।
‘केन्द्रले सचिवलाई निर्देशन दिए केन्द्र भन्दा फरक विधेयक हुनु हुँदैनन । कर्मचारीले केन्द्रको विधेयक कपी गर्दा विभिन्न क्रुटी देखियो,’उनले भने, ‘तर क्रुटी भएको स्वीकार गर्दै प्रदेश सरकार अगाडी बढ्यो। पाँच पटक सम्म बृहत छलफल र अन्तरक्रिया गररे मिडिया मैत्री विधेयक ल्याएको छ ।’ सरकारले संघीयता संस्थागत गर्न लागेको भन्दै संघीयता संस्थागत भए हरेक क्षेत्रमा सुशासन कायम हुने उनले बताए । प्रदेश सरकार कानुन निर्माण गर्ने क्रममा रहेकाले अपेक्षा अनुसार प्रगति गर्न नसकेको उनको भनाई छ । पत्रकारको क्षमता अभिवृद्धि र हक अधिकार सुनिश्चितताको लागि प्राथमिकतामा राखेर काम गरेको उनले जानकारी दिए । पत्रकारको छाता संगठनलाई लक्ष्य निर्धाराण गररे दीर्घकालीन योजना बनाउन भन्दै हरेक कदममा प्रदेश सरकारले साथ दिने उनले उद्घोष गरे ।
‘वार्षिक, बहुवषिय र दीर्घकालीन योजना बनाउनुस्,’उनले भने, ‘मिडिया क्षेत्रको विकासको लागि संयुक्त रुपमा गुरु योजना बनाएर काम गरौं ।’ मिडिया क्षेत्र बलियो भएपछि देशले कोल्टो फेर्छ।’ राजनीतिक प्रसंगमा बोल्दै उनले प्रधानमन्त्री केपी शर्मा ओलीले नैतिकताको आधारमा राजिनामा दिनु पर्ने बताए । आन्तरिक मामिला तथा कानुन राज्यमन्त्री सरोज सिंह कुशवाहाले कानुन बनाएर मिडिया क्षेत्रमा देखिएको समस्या सामाधान गर्ने बताए । सामुदायिक रेडियो सँंग केन्द्रले बेइमानी गरेको भन्दै उनले प्रदेश सरकारले त्यस्तो नगर्ने आश्वासन दिए । उनले सरकारले कार्ययोजना बनाएर काम गर्ने धारणा राखे। प्रदेश आम सञ्चार प्राधिकरणका अध्यक्ष श्यामसुन्दर यादवले पत्रकार र सरकारबीच प्राधिकरणले पुलको काम गर्ने बताए ।
विगतमा पत्रकारले देखाएको भुमिकाबारे उल्लेख गर्दै उनले पत्रकारहरूले अधिकार प्राप्तीमा महत्तवपूर्ण भुमिका निर्वाह गरेकोे उनले सम्झे। मधेश आन्दोलनमा रेडियो र स्थानीय पत्रपत्रिले खेलेको भूमिकाबारे चर्चा गर्दै उनले उचित मूल्याङ्कन गर्न सरकारलाई सुझाए । सामुदायिक रेडयो प्रसारक संघका प्रदेश २ अध्यक्ष अशोक दत्तको अध्यक्षतामा भएको कार्यक्रममा प्रदेश मिडिया काउन्सिलका अध्यक्ष शशि भटराई, सामुदायिक रेडयो प्रसारक संघका केन्द्रीय उपाध्यक्ष निमेश कर्ण, पूर्व केन्द्रीय कोषाध्यक्ष शितल साह, पूर्व केन्द्रीय सदस्य शैलेन्द्र झा, प्रदेश २ अध्यक्ष दिपेन्द्र चौहान, उपाध्यक्ष रिंकु मिश्र लगायतले आफ्नो धारणा राखेका थिए । कार्यक्रममा सहभागि पत्रकारले सामुदायिक रेडियोको समस्याबारे गुनासोे गरेका थिए ।
तपाईको प्रतिक्रिया !!