चितवन । नेपाली कांग्रेसका सभापति शेरबहादुर देउवा प्रधानमन्त्री बन्न तयार भएका छन्। नेपाली कांग्रेसका नेता एकनाथ रानाभाटको १० औँ दिनको पूण्यतिथिमा आयोजित शोकसभामा उनले भने, ‘प्रधानमन्त्री बन्नुपर्ने अवस्था आए भाग्नेवाला छैन ।’ उनले काँधमा जिम्मेवारी आए नभाग्ने स्पष्ट पारे। सभापति देउवा बोल्नुअघि वरिष्ठ नेता रामचन्द्र पौडेलले कांग्रेसले प्रतिपक्षको भूमिका जिम्मेवारीपूर्वक निर्वाह गर्न‘पर्ने बताएपछि पौडेलको जवाफमा सभापति देउवाले भने, ‘कांग्रेसले पदको लोभ पनि गरको े छैन । टाउकामा आयो भने भाग्ने पनि छैन ।
प्रधानमन्त्री पाउँ पनि भनेको छैन । आयो भने भाग्नेवाला पनि छैन ।’ उनले आफू प्रधानमन्त्री भएमा पार्टीलाई फाइदै हुने पनि बताए । भने, ‘चिन्ता नलिनुस् रामचन्द्र जी, म पार्टीकै मान्छे प्रधानमन्त्री भयो भने अरुको भन्दा आफ्नै पार्टीकालाई फाइदा होला ।’ उनले थपे– तपाई शेरबहादुर जी हुनै हुँदैन भन्ने चाहानुहुन्न जस्तो लाग्छ । मलाई तपाईंको भनाइबाट त्यही बुझियो।’ पौडेललाई सानो चित्त नगर्न र विशाल हृदय राख्न देउवाले आग्रह गरे। सभापति देउवाले भने, ‘अबको राजनीतिमा जे आउँछ, त्यो बेहोर्दै जानुपर्छ ।’ उनले रानाभाटको राजनीतिक सङ्घर्षको चर्चा गर्दै एक पटक मन्त्री बनाउने आफ्नो चाहाना पूरा नभएको बताए । सो अवसरमा वरिष्ठ नेता रामचन्द्र पौडेलले अहिले नेपाली कांग्रेस प्रतिपक्षमा भएको भन्दै जुन हैसियतमा संसद्मा छ त्यसैअनुसार अघि बढ्नुपर्ने बताए । उनले भने, ‘विपक्षी दलको सही भूमिका कांङ्ग्रेसले निर्वाह गर्न‘पर्छ ।’ सानो संख्यामा संसद्मा भए पनि कांग्रेसको भूमिका ठूलो र जिम्मेवारीपूर्ण रहेको उनको भनाइ थियो ।
आलमलाई छुटाउन प्रयास
सभापति देउवाले पूर्वसांसद मोहम्मद आफताब आलमको मुद्दा अहिले अदालती प्रक्रियामा रहेकाले प्रक्रियाबाटै उनलाई छुटाउन आफू प्रयासरत रहेको पनि बताएका छन्। इँटाभट्टामा जिउँदै मानिस जलाएर मारेको अभियोगमा कारागारमा रहेका निलम्बित सांसद आलमलाई रिहा गराउन आफूले पहल गरिरहेको उनले बताए । कर्तव्य ज्यान, ज्यान मार्ने उद्योग र विस्फोटक पदार्थ प्रयोग तथा भण्डारणको अभियोग लागेका पूर्वमन्त्री एवं प्रतिनिधिसभा सदस्य आलमलाई गत साल कात्तिक २९ गते रौतहट जिल्ला अदालतले पुर्पक्षका लागि कारागारमा चलान गर्न आदेश दिएको थियो। उनलाई २०६४ सालको संविधानसभा निर्वाचनमा धाँधली गरी चुनाव जित्ने उद्देश्यले बम बनाउँदै गर्दा २७ चैत २०६४ मा भएको विस्फोटमा पररे घाइते भएकालाई इँटाभट्टामा जलाएर मारको े अभियोग लागेको थियो। घाइते भएका दुईजना नेपाली मोहम्मद ओसि अख्तर र पिन्टु भनिने त्रिलोकप्रताप सिंहसहित अन्य २० जना भारतीय नागरिकलाई आलमको निर्देशनमा इँटाभट्टामा जलाइएको अभियोग उनीमाथि छ ।
तपाईको प्रतिक्रिया !!