मुम्बई : बलिउड अभिनेत्री कंगना रनौतविरुद्ध अदालतले जमानत वारेन्ट जारी गरेको छ ।
अन्धेरीको महानगरपालिकाको अदालतले उनीविरुद्ध जमानत वारेन्ट जारी गरेको हो । गीतकार जावेद अख्तरले कंगनाविरुद्ध लगाएको मानहानिको मुद्दाका आधारमा अदालतले उनीविरुद्ध वारेन्ट जारी गरेको हो ।
अदालतले यसअघि अदालतमा हाजिर हुन आदेश दिएको थियो । अदालतबाट वयान दर्ता गराउन उपस्थित हुन पत्र पठाउँदा पनि कंगना उपस्थित नभएपछि अदालतले यो कदम उठाएको हो ।
यसको अर्को सुनुवाइ २६ मार्चमा हुँदै छ । सुशान्तसिंह राजपुतको निधनपछि कंगनाले एउटा भारतीय टीभीलाई अन्तर्वार्ता दिने क्रममा आफूलाई जावेदले धम्कीको दिएको आरोप लगाएको थियो । जसपश्चात जावेदले कंगनाविरुद्ध मानहानिको मुद्दा दर्ता गराएका हुन् ।
तपाईको प्रतिक्रिया !!