जनकपुरधाम : जनकपुरधाम ७ स्थित नमस्कार होटल एण्ड गेस्ट हाउसमा फाल्गुन ८ मा मृत फेला परेकी युवती प्रेममा धोका खाएर आत्महत्या गरेको रहस्य खुलेको छ । झापाको भद्रपुर नगरपालिका ८ घर भई काठमाडौंमा बस्दै आएकी अन्दाजी ४० वर्षीया सर्मिस्ठा पोखरेलले आत्महत्या गरेकी थिइन् । घटनाको एकसातापछि आईतवार उनका आफ्न्त शव बुझ्न आएपछि आत्महत्या गर्नुको कारण खुलेको छ ।
उनी महोत्तरी घर भएका डा. राहुल पाण्डेसँग पशुपतिनाथ मन्दिरमा विहे गरेकी थिइन् । डा. पाण्डे काठमाडौंमा एमबिबिएस पढ् दा सर्मिस्ठाकै होस्टेलमा बस्दै आएका थिए । सोही क्रममा दुबैजनाबीच प्रेम भयो र विवाह पनि गरे । तर पढाइसकेपछि डा. पाण्डे घर फर्किए । उनी जनकपुरस्थित काव्या होस्पिटलमा काम समेत गर्न थाले। तर सर्मिस्ठासँग सम्पर्क तोडे। सर्मिस्ठाले खोजविन गर्दैजाँदा डा. पाण्डे जनकपुरमा बसिरहेको थाहा पाएकी थिइन् । त्यसपछि उनलाई खोज्दै जनकपुर आइन् । स्रोतका अनुसार अधिकारकर्मी, पत्रकार र जसपाका केहि नेता समेतको उपस्थितिमा उनी डा. पाण्डेलाई भेट गरिन् । डा. पाण्डेलाई फिजिकल सम्बन्ध राखेको स्वीकारे पनि विहेनगरेको दावी गरे । उनले आफूभन्दा धेरै बढी उमेर सर्मिस्ठाको रहेको भन्दै विहे गर्न नसक्ने भनेका थिए ।
सर्मिस्ठा विहे गरेको भन्दै रोइकराई गरिन् । तर उनको कुरामा कसैले विश्वास गरेन । त्यसपछि उनी कानूनी लडाइ लड्ने बताइन् । स्रोतका अनुसार सर्मिष्ठाले जलेश्वर प्रहरीमा उजुरी दिन पुगिन् । तर त्यहाँको प्रहरीले उजुरी लिएन । त्यसपछि उनी जिल्ला प्रहरी कार्यालय धनुषामा उजुरी दर्ता गराइन् । तर न्याय पाउने विश्वास नलागेपछि उनी होटलमा आत्महत्या गर्न बाध्य भएको स्रोतको दावी छ । आईतवार सर्मिस्ठाकी आमाजु शर्मिला लामिछानेले घटनाको छानविन गरी दोषीमाथि कारबाही गर्न धनुषा प्रहरीमा उजुरी दिएकी छन्। उनका अनुसार आत्महत्या गर्दा सर्मिस्ठाले सुसाइड नोट पनि लेखेकी थिइन्। सुसाइड नोटमा पनि डा. पाण्डेले विहे गरेपनि स्वीकार नगर्दा आत्महत्या गर्न बाध्य भएको उल्लेख गरेकी बताइएको छ ।
उनकी आमाजु लामिछानेले विहे गरी लामो समयसम्म भिजिकल रिलेशन राखेको र आफ्ना परिवारसँगको सम्बन्ध तोड्न लगाएकाले सर्मिष्ठा आत्महत्या गरेको भन्दै डा. पाण्डेलाई कडा कारबाही हुनुपर्ने माग गरेकी छन् । स्रोतका अनुसार घटना दबाउने प्रयासमा जसपाका केही नेता लागि परेका छन् । जसपाकै एक नेताले सर्मिस्ठालाई आर्थिक प्रलोभन समेत दिएको थियो। उनी अदालतमा समेत मुद्दा दर्ता गराउन वकिलहरूसँग छलफल गरिरहेको कुरा थाहा पाएपछि जसपाकै केहि नेताहरू उनलाई दबाब दिएको र न्याय नपाउने सोचेर उनी आत्महत्या गरेको स्रोतले जनायो। यस विषयमा गम्भिर रुपले अनुसन्धान गर्न उनका आफ्न्तले प्रहरीसँग माग गरेका छन् । सर्मिस्ठाको शव एकसातादेखि प्रादेशिक अस्पतालमा अलपत्र परेको थियो । आईतवार उनको शव बुझेर आफ्न्तजनले जनकपुरस्थित स्वर्गद्वारमा दाहसंस्कार गरेका छन् ।
तपाईको प्रतिक्रिया !!