बीरगन्ज : बीरगन्जस्थित पानिटंकीमा भएको ग्यांग फाईटमा एक जना घाईते भएका छन् । कलेज पढेर आउँदै गरेका विद्यार्थीहरु बिच भएको झडपको क्रममा एक जना विद्यार्थी घाईते भएका हुन् ।
पानीटंकीमा रहेको बीरगन्ज पब्लिक कलेजको कक्षा ११ मा अध्ययनरत सुमन साह घाइते भएका छन् । पढेर आउँदै गर्दा सोही कलेजका विद्यार्थीहरुको समूहले आफु उपर एक्कासी आक्रमण गरेको घाइते साहले बताए । झगडाका विषयमा आफुलाई केही थाहा नभएको बताउँदै अनाहकमा आफुमाथि विद्यार्थीहरुले आक्रमण गरेको साहले जानकारी गराए ।
बीरगन्ज आँखा तथा दाँत अस्पताल रहेको गल्लीमा बाटो ढुकेर बसेकाहरुले साह उपर आक्रमण गरेको घटनास्थलबाट प्राप्त भिडियोमा देखिएको छ ।
करिब २५–३० जनाको संख्यामा रहेको समूहले साहलाई लेखटेर हेल्मेटले प्रहार गरेको भिडियोमा देखिन्छ । विवादमा घाइते भएका साहको आँखा, टाउको, ढाडमा गम्भीर चोटपटक लागेको छ । नारायणी अस्पतालमा उपचार पछि उनी घर फर्किएका छन् ।
तपाईको प्रतिक्रिया !!