आशिष विश्वकर्मा । सिरहा । वन कार्यालयले सिरहाको धनगढीमाई नपा १४ सोमबारेबाट भारीमात्रामा सालको चिरान काठ बरामद गरेको छ । डिभिजन वन कार्यालय लहान र सव डिभिजन वन कार्यालय धनगढीबाट खटिएको सशस्त्र वन कर्मचारीहरूको समूले वेवारिसे अवस्थाका ४७.६९ धनफिट ५४ थान चिरान आज विहान बरामद गरेको हो ।
चुरेक्षेत्रबाट दक्षियातर्फ ल्याईरहेको विशेष सुचनाको आधारमा सव डिभिजन वन कार्यालय घनगढीका प्रमुख सहायक वन अधिकृत भोला रायको कमाण्डमा खटिएको सशस्त्र वन कर्मचारीहरूले काठ बरामद गरेको डिभिजन वन प्रमुख सुभासचन्द्र दासले जानकारी दिए । वन कर्मचारीलाई नजीकै आएको जानकारी पाएपछि उनीहरू काठ छोडेर भागेको हुन सक्ने प्रमुख दासले जानकारी दिए । बरामद काठ सव वन डिभिजन कार्यालय लहानमा ल्याएर आवश्यक अनुसन्धान भईरहेको बताए ।
तपाईको प्रतिक्रिया !!