विनय कर्ण । राजविराज । सप्तरीको रुपनी गाउँपालिकाका अध्यक्ष हेररोम यादवले स्थानिय केहि व्यक्ति मिडिया र समाजिक सञ्जाल मार्फत चरित्र हत्या गर्ने प्रयासमा लागेको आरोप लगाएका छन्। उनले आफूलाई पत्रकार भन्दै मेरो बारेमा गलत तथा भ्रामक अपवाह फैलाएर अनलाईन मिडिया तथा सामाजिक सञ्जाल मार्फत चरित्र हत्याको प्रयास गरेको आरोप लगाए ।
रुपनी गाउँपालिका वडा नम्बर १ को सभाहलमा आईतबार पत्रकार सम्मेलनको आयोजना गरि अध्यक्ष यादवले समाजिक सञ्जालमा सार्वजनिक गरिएको मेरो अडियो टेपले आम सर्वसाधारणमा भ्रम सिर्जना गर्नुका साथै मलाई बदनाम गर्ने षडयन्त्र भएको बताए । सार्वजनिक भएको अडियो टेपमा मैले ६ करोड कमाएको र यहाँका पत्रकारहरू म संग क्यामरा, ल्यापटप मागेको र सो नदिए पछि मेरो विरुद्धमा पत्रकारहरू समाचार लेख्ने गरेको उल्लेख छ ।
पत्रकार सम्मेलनमा उनले सार्वजनिक भएको अडियो सम्पादन गररे मलाई बदनाम गर्ने साजिश भएको सुनाए । ‘मैले ३ करोड बजेट चलाउन पाएको छैन् तर कसैले भन्छ म ६ करोड खाएको छु भने खाएको छु भनिरहँदा लुकेर अडियो टेप गरी त्यसलाई सम्पादन गररे रुपनीका राजु जैयसवालले फेसवुकमा सार्वजनिक गरेको छ जुन कि गलत हो’ उनले भने ‘रेकर्ड गरिएको सम्पूर्ण अडियोको सार्वजनिक गर्न चुनौती दिन्छु’ सप्तरीका पत्रकारहरूलाई म सम्मान गछु तर यहाँ रुपनीमा आफूलाई पत्रकार भन्दै केही स्थानिय व्यक्तिहरूले समग्र पत्रकारितालाई पनि बदनाम गर्नमा लागेको बताए ।
उनले मिडियाको आचार संहिता विपरित स्तरहिन पत्रकारिता गर्ने ती व्यक्तिहरू विरुद्ध कानुनी उपचारमा जाने चेतावनी दिए । ‘उनीहरूले मेरो मात्रै होईन गाउँपालिकाको पनि अवहेलना गरेको छ उनीहरू विरुद्ध कानुनी उपचारमा जान्छु’ यादवले भने। उनले प्रदेशसभा सदस्य मो समिमले पनि आफूले बदनाम गर्न लागेको आरोप लगाए । गाउँपालिको वडा नम्बर २ र ४ मा सडक निर्माणका लागि विगतमा आएको ७५ लाख बजेट फ्रिजमा आफू दोषी नभएको सफाई दिए । यसअघि प्रदेशसभा सदस्य समिमले पत्रकार सम्मेलन गरी रुपनी गाउँपालिकाका अध्यक्षले नै काम हुन नदिएको र उनकै कारण प्रदेश सरकारको ७५ लाख बजेट फ्रिज भएको आरोप लगाएका थिए ।
तपाईको प्रतिक्रिया !!