रुपेन्द्र पटेल । रौतहट । प्रदेश २ कै उत्कृष्ट पर्यटकिय गन्तव्य रौतहटको नुनथर क्षेत्रमा अझै अपेक्षाकृत विकास हुन नसकेको गुनासो छ । चन्द्रपुर नगरपालिका १ मा पर्ने नुनथर क्षेत्रका लागि पटक– पटक विभिन्न शिर्षकमा बजेट आएपनि सदुपयोग नभएको गुनासो स्थानियले गरेका छन्। बजेट अनुसारको विकासका काम भने केही नभएको र भएका काम पनि गुणस्तरीय नभएको स्थानीय बताउँछन्। पर्यटन क्षेत्रमा लागनी बढ्दै गएको अवस्थामा केही राजनितिक दलको आडमा केही युवाले सो क्षेत्रलाई रकम कमाउने माध्यम बनाएका छन्। संघिय, प्रदेश, स्थानिय वा अन्य निकायबाट कति रकममा कुन योजनाको काम भएको भन्ने कुनै किसिमको सूचना नुनथर क्षेत्रमा राखिएको पाईदैन्। हरेक योजनाहरू उपभोतmा समितिको मार्फतबाट हुने गरेपनि पारदर्शी रुपमा वडा वासिलाई नै केही थहा नहुने गरेको एक स्थानियले बताएका छन्।
सो क्षेत्रमा भएका योजनाका बारेमा कुनै निकायले चासो नदिँदा मिलोमतोमा काम भईरहेको आशंका स्थानियमा छ । भर्खरै मात्र नुनथर क्षेत्रमा जाने सडकमा निर्माण हुंदै गरेको कजवेमा कुनै किसिमको बोड नराखिएकाले कसको लागनीमा बन्न लागेको स्पष्ट नभएको स्थानिय नै बताउँछन्। हरेक योजनाका काम गर्दा योजनाको विस्तृत विवरण खुलाएर बोड राख्नु पर्छ । अर्को तर्फ कजवे निर्माणका लागि नजिकै रहेको बाग्मती नदिमा स्काभेटर सहित दर्जनांै ट्याक्टरबाट ढुंगा वा बालुवा उत्खनन् भै रहेको छ । केही कजवे निर्माणमा प्रयोग भएपनि अरु विक्रि गर्ने गरेको स्रोतको दावी छ ।
उपभोतmा समिति मार्फत भएको योजनामा एकलौटी तरिकाले काम गरेको र समितिका पदधिकारीसँग सल्लाह समेत नगरेको गुनासो छ । नुनथर क्षेत्रलाई कमाईको माध्यम बनाएका केहि युवाहरूले सो क्षेत्रमा ढुंगा स्टोक गररे राखेका छन्। कुन प्रयोजनका लागी ढुगा राखिएको स्पष्ट हुन नसकेको स्थानिय बताउँछन । यस्तै नुनथर क्षेत्र प्रवेशमा लिईँदै आएको शुल्कको रकम पनि अनियमितता हुने गरेको आशंका सर्वसाधरणले व्यक्त गरेका छन्। चन्द्रपुर नगरपालिकालाई राजश्व दाखिला समेत नगरी रकम अपारदर्शी गरेको पाईन्छ । नुनथर क्षेत्रमा भएका योजनाका काम गुणस्तरहीन गरेर रकम कमाउने युवाहरूले राजनितिक आडमा नै यस्ता गलत कार्य गर्दै आएको स्थानियको दावी छ ।
तपाईको प्रतिक्रिया !!