पत्रकार सिंहको मोटरसाइकल चोरी

जनकपुरधाम : जनकपुरधाममा बसेर पत्रकारिता गर्दै आएका राजकमल सिंहको मोटरसाइकल सोमवार चोरी भएको छ । जनकपुरधाम १ स्थित भन्सार कार्यालय नजिकै रहेको डेरा अगाडीबाट अफ द बिट मिडिया प्रालिको नाममा रहेको पत्रकार सिंहको पल्सर मोटरसाइकल चोरी भएको हो ।

ब्लाक र ब्लु रंग भएको लु ६५ प। ८२२९ अस्थायी नम्बरको २२० सिसि पल्सर गाडी चोरी भएको छ । ‘मुख्यमन्त्री कार्यालयमा आयोजित पत्रकार सम्मेलनबाट फर्केपछि डेरा अगाडी गाडी राखेको थिए, पत्रकार सिंहले भने, ‘डेराबाट एकछिनपछि बाहिर निस्केपछि गाडी गायब भइसकेको थियो ।’ चोरी भएको थाहा पाउनेवित्तकै प्रहरीलाई खबर गरेको र आफूपनि जनकपुरको विभिन्न ठाउँमा खोजतलास गरेपनि फेला नपरेको उनको भनाई छ ।

धनुषा प्रहरीले भने चोरी भएको गाडीको खोजी जारी राखेको बताएको छ । पछिल्लो समय धनुषामा मोटरसाइकल चोरी हुनेक्रम बढेको छ । फितलो सुरक्षा अवस्थाको फाइदा चोरहरुले उठाइरहेका छन् ।