संसद विघटन गलत : पूर्व डिआइजी खरेल

सोम दियाली । जनकपुरधाम । नेपाल प्रहरीका पूर्व डिआइजी एवं हाम्रो नेपाल सुशासन अभियानका संयोजक रमेश खरेलले संसद विघटन गर्ने प्रधानमन्त्री केपी शर्मा ओलीको कदम संविधानतः गलत भएको बताएका छन् । सर्लाही हुँदै आइतवार जनकपुर आइपुगेका चर्चित अभियन्ता खरेलले रेडियो जनकपुर ९७ मेगाहर्जको विशेष संवादमा कुराकानी गर्दैै प्रधानमन्त्रीले आपूm मातहतका नेता कार्यकर्तालाई मिलाउन नसकेर आपूm अल्पमतमा परेपछि संसद विघटन गरेकोे बताएका हुन् । खरेलले केपी ओलीको ठाउँमा अरु प्रधानमन्त्री भएको भए पनि संसद विघटन हुने बताए ।

संसद पुनस्थापना हुन्छ हुँदैन, चुनाव हुन्छ हुँदैन भन्ने प्रश्नमा उनले भने, ‘संसद विघटनका विषयको मुद्धा अदालतले फैसला गर्ने हो, यसमा म केही भन्न चाहन्न तर वैशाखमा चुनाव हुन्छ भनेर भन्न सकिने अवस्था छैन । उनले नेपाली जनताले सहयोग गरे आपूm अहिलेका जुनसुकै नेतासँग पनि चुनाव लड्न तयार रहेको बताए । उनले अहिलेको राजनीतिको मुहान नै फोहोर भएकोले तल्लो तहसम्म भ्रष्टाचार मौलाएको बताए । त्यस अघि जनकपुर उमनपा–८ पिडारी चोकस्थित टुडेएक्सप्रेस दैनिकको प्राङ्गणमा भेला भएका उनका समर्थक तथा सर्वसाधारणलाई सम्बोधन गरेका थिए ।

सम्बोधनका क्रममा सर्वसाधारणले राखेको जिज्ञासामा उनले सबै सामाजिक अभियन्ता र नेपाली नागरिक अब एक हुने बेला आएको भन्दै खरेलले अव्यवस्था र भ्रष्टाचारका विरुद्ध एक हुन आव्हान गरे । उनलाई पत्रकार, रेडियो जनकपुर तथा टुडे एक्सप्रेस दैनिकका संचालक शितल साहले जनकपुरमा भव्य स्वागत गरेका थिए ।