जनकपुरधाम : नेपाली काँग्रेसका उपसभापति बिमलेन्द्र निधिले संसद विघटन र निर्वाचनको विषयमा कसैको उक्साहट र लोभलालचको भरमा कुनै पनि निर्णय नलिने बताएका छन्।
संसद विघटन र असंवैधानिक नियुक्तिविरुद्ध काँग्रेसका शुभेच्छुक संगठनहरूले जनकपुरमा गरेको प्रदर्शन पश्चात कोणसभामा बोल्दै उनले काँग्रेस आफ्नो नीति रनिर्णय आफै तय गर्ने बताए । उनले काँग्रेसलाई द्धेध चरित्रको भन्नेहरूलाई आफुले बेचारा र अज्ञानी बुझ्ने गरको बताए ।
जंगलबाट माओवादीलाई शान्ति प्रक्रियामा मात्र नभएर दुई÷दुई पटक संविधानसभाको निर्वाचन गराएर संविधान जारी काँग्रेसले नै गरको छ’,उनले भने, अहिले देशमा आएर संघीय लोकतान्त्रिक गणतन्त्रामक प्रणालीको निर्माण पनि काँग्रेसले नै गरको छ । र यस प्रणालीको कार्यान्व्यण पनि चुनाव गराएर काँग्रेसले नै गर्यो।
त्यसैले कसैको भ्रम नहोस् कि काँग्रेसले केहि गरने ।’ विपी कोइरालाको समयदेखि कालसम्म काँग्रेसले गरको सबै निर्णय मात्र लागु भएको र अन्य कसैको निर्णय लागु नभएको दावी गरे। संसद विघटनको सन्दर्भमा उनले भने,पानी नचुहिने गरी घरमा फुसको छाना हाल्न सबै मजदुरलाई आउँदैन ।
त्यसैले जोकोही पनि घर बनाउने अनुभवी मजदुर खोज्छन्। तर जनताले नयाँ मजदुरलाई भोट भोट हाल्यो। त्यही भएर त अहिले हरक महिना ेघर चुहिन्छ ।’ एक फरक प्रसँगमा उपसभापति निधीले नेपालमा राजा ल्याउने कसैको हिम्मत नभएको बताए । ओलीको तीन पुस्ता र तीन पार्टी एकिकरण गरेपनि राजा फर्काउन नसक्ने औल्याए । राजालाई जनता चाहिदैन भने जनतालाई पनि राजा चाहिदैन भन्ने निर्णय जनताले गरिरहेकाले अब राजा ल्याउन नसक्ने उनको भनाई थियो।यस्तै कांग्रेस नेता रामकृष्ण यादवले अपराधी र भ्रष्टाचारीलाई बचाउन प्रधानमन्त्री केपी शर्मा ओलीले संसद विघटन गरको बताए ।
उनले निर्मला पन्तको हत्यारा ओली सरकारका मंत्रीकै छोरा–छोरी भएको जिकिर गरे। पूर्वमंत्री समेत रहेका यादवले प्रधानमन्त्री ओलीकै संरक्षणमा देशमा भ्रष्टाचार मौलाएको आरोप पनि लगाए । उनले संसद विघटन असंवैधानिक र स्वेच्छाचारी भएको भन्दै सबै जनता यसविरुद्ध उभिनुपर्ने पनि बताए ।
तपाईको प्रतिक्रिया !!