काठमाडौं : प्रधानमन्त्री केपी शर्मा ओलीले ५ पुसमा संसद् विघटन गरेपछि नेपाल कम्युनिस्ट पार्टी ९नेकपा० ओली र प्रचण्ड(नेपाल समूहमा विभाजित भयो ।
पार्टी विभाजनसँगै दुवै समूह शक्ति प्रदर्शनमा लागेका छन् । अहिले दैनिक सडकमा आ(आफ्नो पक्षमा माहोल देखाउन जनता उतार्ने दुवै समूहको होडबाजी छ । सोहीअनुसार स्थानीय तह, प्रदेशदेखि केन्द्रसम्म नेकपाको समूहगत शक्ति प्रदर्शन भइरहेका छन् ।
९ माघमा राजधानीमा प्रचण्ड(नेपाल समूहले शक्ति प्रदर्शन गर्यो । त्यही दिन प्रधानमन्त्री ओलीले नयाँ बानेश्वरस्थित कार्की पार्टी प्यालेसबाट २३ माघमा प्रचण्ड(नेपाललाई वास्तविक जनसभा देखाइदिने घोषणा गरे ।
त्यस दिन ओलीले रत्नपार्कमा ८र१० हजार मान्छे उतार्दैमा शक्ति प्रदर्शन नहुने भन्दै वास्तविक जनसभा आफूले गर्ने भनेका थिए ।
ओलीले कार्यक्रमको मिति तय गरे पनि कार्यक्रमस्थल तोकेका थिएनन् । तर, अघिल्लो साता पशुपतिनाथ मन्दिरमा पूजा गरेर फर्किएपछि ओली समूहले नारायणहिटी दरबारअघि कार्यक्रम गर्ने घोषण गर्यो ।
पार्टीको कार्यक्रममा सरकारी रवाफ
प्रधानमन्त्री ओली ५ पुसयता पूर्वको ताप्लेजुङदेखि सुदूरपश्चिमको कैलालीसम्म पार्टीका कार्यक्रममा पुगेर सम्बोधन गरिरहेका छन् । ओलीले सम्बोधन गर्ने क्रममा प्रचण्ड(नेपाल समूहका युवादेखि शीर्ष नेतालाई होच्याएर व्यंग्य गर्छन् ।
काठमाडौंमा पूर्वका कार्यकर्तासँग नेता योगेश भट्टराई र धनगढी पुगेर सुदूरपश्चिमका नेता भीम रावललाई केटा भन्न भ्याए । धेरै कार्यक्रममा उनको तारो प्रचण्ड(नेपाल नै हुने गरेका छन् ।
संसद विघटन र नेकपा विभाजनपछि प्रधानमन्त्री ओली पार्टीका कार्यक्रममा सक्रिय छन् । उनी सरकारी रवाफमा देश दौडाहामा निस्किने गरेका छन् ।
उनले शक्ति प्रदर्शन केका लागि गर्दैछन् भन्ने मुख्य विषय भएको विश्लेषक भीमार्जुन आचार्य बताउँछन् । प्रधानमन्त्रीले आफ्नो हौसियत नै भुलेर राजनीतिका लागि पार्टीगत शक्ति प्रदर्शनमा उत्रिएर देशलाई मुठभेडतिर लैजान खोजेको आचार्यको तर्क छ ।
‘प्रधानमन्त्रीले आफनो पदको मान मयार्दा बुझेनन् । त्यही भएर मनपरी गर्न थाले । सरकारमा बसेर शक्ति प्रदर्शन गर्ने अधिकार प्रधानमन्त्रीलाई छैन’ उनले भने, ‘प्रधानमन्त्रीले संसद विघटन गरेर देशमा राजनीति अस्थिरता भित्र्याए । अब शक्ति प्रदर्शन गरेर देशलाई राजनीतिक मुठभेडतिर लैजाँदै छन् ।’
ओली समूहको शक्ति प्रदर्शनले देशमा अर्को राजनीति दुर्घटना निम्त्याउने उनको विश्लेषण छ । उनका अनुसार प्रधानमन्त्रीले कार्यकारी पदमाथि प्रश्न उठ्ने काम गरिरहेका छन् । प्रधानमन्त्री नै देशमा अस्थिरता भिर्याउन जे पायो त्यही काम गरेर र बोलेर कानुनी राज्यको खिल्ली उडाइरहेको उनको आरोप छ ।
प्रधानमन्त्री ओलीले आफूलाई सर्वेसर्वा ठानेका कारण नेपालको अवस्था यो हालतमा आइपुगेको आचार्यको दाबी छ ।
तर ओलीनिकट नेताहरू भने प्रधानमन्त्री दलीय कार्यक्रममा सहभागी हुनुलाई सामान्य ठान्छन् । सरकारमा बसेर आफ्नो पार्टीको कार्यक्रमलाइ सम्बोधन गर्नु नौलो विषय नभएको प्रधानमन्त्रीका राजनीतिक सल्लाहकार विष्णु रिमाल बताउँछन् । प्रधानमन्त्रीले जनताका आवाज सुन्न र आफ्ना भनाइ राख्न सडक कार्यक्रम सम्बोधन गर्न पाउने रिमालको दाबी छ ।
‘सडकमा कार्यक्रम गर्नु नेपालमा नयाँ राजनीति अभ्यास होइन । विगतमा पनि सरकारको नेतृत्व गरेका धेरै प्रधानमन्त्रीले आफ्नो पक्षका कार्यक्रम सडकबाट सम्बोधन गरेका उदाहरण छन्,’ उनले भने, ‘राजनीतिमा विचार, एजेन्डा र धार फरक हुन्छन् । जसका कारण जनताबाट निर्वाचित प्रधानमन्त्रीले सडकमा गएर जनचासो बुझ्न कार्यक्रम गर्न पाउने अधिकार छ ।’
प्रधानमन्त्रीले २३ माघमा नारायणहिटी गेटबाट पार्टी कार्यक्रम सम्बोधन गर्ने कार्यक्रम छ । अहिले नेकपाको सरकार छ, त्यही पार्टीको कार्यक्रम भएका कारण प्रधानमन्त्रीले सम्बोधन गर्नु सामान्य भएको रिमाल बताउँछन् । प्रधानमन्त्रीले सडकबाट जनताका समसामयिक समस्या सुन्ने र सदनबाट सम्बोधन गर्ने आधारसमेत तयार गर्ने उनको दाबी छ ।
खासमा २३ माघको कार्यक्रम पार्टीको भन्दा सरकारको शक्ति प्रदर्शनजस्तो देखिन्छ तर त्यसलाइ स्वीकार्न तयार छैनन् रिमाल । रिमालको तर्क छ, ुपार्टीको राजनीतिक कार्यक्रम हो, सरकार कसरी जोडिन्छ रु सरकार प्रमुखले पार्टीको कार्यक्रम सम्बोधन गर्दा शक्ति प्रदर्शन कसरी हुन्छ रु ’ उनको प्रश्न छ ।
ओली समूहले बागमती प्रदेशमा प्रचण्ड(नेपाल समूहभन्दा ठूलो प्रदर्शन गर्न स्थानीय तह र जिल्लाका कार्यकर्ता ल्याउन निर्देशनसमेत दिएको छ । ओली समूहले स्थानीय तहका प्रतिनिधि, नेता, सांसद र कार्यकर्तालाई प्रत्येक नगरपालिका र गाँउपालिकाबाट २३ माघको सभाका लागि सहभागि उतार्न निर्देशन दिएको छ ।
नयाँ अभ्यास
प्रधानमन्त्री ओली स्वास्थ्यको समस्या देखाउँदै ९ महिनादेखि राजधानीबाहिरका खासै कुनै कार्यक्रममा सहभागी थिएनन् । तर, नेकपा समूहमा विभाजन भएपछि हरेक दिन उनी आफ्नो समूहका कार्यक्रममा दौडिरहेका छन् । सरकारको नेतृत्व गरेको पार्टीका अध्यक्ष सडकमा गएर कार्यक्रम सम्बोधन गर्दा प्रदर्शनमा उत्रिएजस्तो देखिने एक मन्त्री बताउँछन् ।
राजनीतिमा पार्टीगत समस्या उत्पन्न भएपछि नयाँ मार्गदर्शन निर्माण हुने ती मन्त्रीको भनाइ छ । ‘सरकारले सदन र सडक दुवै तताउने अभ्यास गरिरहेको छ । यो जनताका लागि अनौठो विषय होला तर, राजनीतिकस्तरबाट हेर्दा नयाँ अभ्यास हो,’ उनले भने, ‘नेकपा समूहले गरिरहेको सडक प्रदर्शन आन्दोेलन होइन । कार्यकर्ता सडकमा उत्तार्ने र शक्ति प्रदर्शन मात्र हो । सरकारको नेतृत्व गरेका प्रधानमन्त्रीको समूहले पनि आफ्ना कार्यकर्ता सडकमा उत्तारेर शक्ति प्रदर्शन गर्न पाउँछ । यो सामान्य विषय हो ।’
२३ माघमा प्रधानमन्त्री ओलीले सम्बोधन गर्न कार्यक्रममा उपत्यकाका विभिन्न स्थान, बनेपा, धादिङ र मकनवापुरगायतका जिल्लाबाट र्याली, जुलुस गर्ने तयारी भइरहेका ओली समूहका नेता महेश बस्नेतले बताए ।
तपाईको प्रतिक्रिया !!