टुडे एक्सप्रेस । जनकपुरधाम । प्रदेश २ सरकारले गठन गरेको मधेस स्वास्थ्य विज्ञान प्रतिष्ठानको उपकुलपतिमा डा. रामकेवल साह नियुक्त भएका छन्। प्रतिष्ठानको कुलपति मुख्यमन्त्री रहने व्यवस्था छ । यस्तै रजिष्टारमा डा. विनोद यादव र रेक्टरमा डा. अंकुर साहलाई नियुक्त गरेको छ । मुख्यमन्त्री लालबाबु राउतले आईतवार दिउँसो आफ्नै निवास मधेस भवनमा तीनै जनालाई नियुक्तिपत्र प्रदान गर्नुका साथै बधाई ज्ञापन गरे। उपस्थित सामाजिक विकास मन्त्री नवलकिशोर साह, कृषि मन्त्री शैलेन्द्र साह र मुख्य न्यायधिवक्ता दिपेन्द्र झाले समेत नवनियुक्त उपकुलपति साह, रजिष्टार यादव र रेक्टर साहलाई फूलमाला लगाएर सफल कार्यकालको बधाइ दिएका थिए । जनकपुर प्रदेशिक अस्पतालाई मधेश स्वास्थ्य विज्ञान प्रतिष्ठान बनाउने प्रदेश सरकारले निर्णग गरिसकेको छ ।
मुख्यमन्त्री राउतले प्रतिष्ठानको उपकुलपति नियुक्त गरेकाले आज ऐतिहासिक दिन भएको भन्दै देशको गौरबको योजना अन्तर्गत प्रतिष्ठान गठन गरेको बताए । उनले नियुक्त भएका तीनैजना सक्षम र योग्य भएकाले प्रदेश सरकारले लिएको उदेश्य पुरा हुने विश्वास व्यक्त गरे। उनले भने, ‘प्रदेश सरकारले सोचे चाहे अनुसार प्रतिष्ठा कायम राख्नेगरी उहाँहरू काम गर्ने विश्वास लिएको छु।’ उपकुलपति डाक्टर साहेबहरूको लागि पनि अवसर र हाम्रो लागि पनि अवसर भएको बताए । उनले भने, ‘अहिले कुनै पनि संरचना छैन । सम्पूर्ण संरचना निर्माण गर्न‘पर्छ ।
बस्ने ठाउँदेखि लिएर प्रतिष्ठान संचालन गर्ने र एकेडमीक सेसनहरू सुरु गर्न‘पर्छ । हामीले यसैवर्षदेखि सेसनहरू सुरु गर्ने उदेश्यका साथ काम गरिरहेको छु।’ सामाजिक विकासमन्त्री साहले पनि यसै वर्षदेखि कम्तिमा दुई विषयको भएपनि मास्टर डिग्रिको पढाई हुनुपर्ने बताए । उनले जनकपुरलाई स्तरीय स्वास्थ्य उपचारको केन्द्र बनाउन प्रतिष्ठान स्थापना गरिएको बताए । उनले भने, ‘प्रतिष्ठानले सेवा गर्ने र पाउने मौका मिल्छ । सेवाबाट हटाउने कुनै कुरा छैन ।’ उपकुलपतिमा नियुक्त भएका डा. साह वरिष्ठ हाडजोर्नी तथा नशा रोग विशेषज्ञ हुन्। उनले स्वास्थ्य क्षेत्रमा सुधार ल्याउनका लागि प्रतिष्ठान गठन भएको भन्दै सोही बमोजिम काम गर्ने प्रतिवद्धता समेत जनाए । संचारकर्मीसँग संक्षिप्त प्रक्रिया दिँदै उनले भने, ‘सुचकाङ्कमा प्रदेश २ देशमै सबभन्दा पछाडी परको े छ । त्यसैले दक्ष जनशक्तिलाई आकर्षण र स्तरीय सेवाका लागि इमान्दारिक पूर्वक काम गर्न नितान्त जरुरी छ ।’ उनले तीनजनाले मात्र केहि गर्न नसक्ने भन्दै सबैको सहयोग र सद्भावले मात्र सफल हुने बताए ।
तपाईको प्रतिक्रिया !!