टुडे एक्सप्रेस । जनकपुरधाम । प्रधानमन्त्री केपी शर्मा ओलीले कोरोनाविरुद्धको खोप अभियानको भर्चुअल माध्यमबाट बुधवार शुभारम्भ गरे। कार्यक्रममा राष्ट्रपति विद्यादेवी भण्डारीले पठाएको शुभकामना मन्तव्य स्वास्थ्य तथा जनसंख्या मन्त्री हृदयश त्रिपाठीले पढेर सुनाए । राष्ट्रपति भण्डारीले खोपको विकासले आम जनमानसमा कोरना भाइरस निवारणमा आशा पलाएको बताएकी छन्। सार्क मुलुकमा कोरोनाको खोप अभियान सशुरु गर्ने नेपाल दोस्रो मुलुक बनेको छ । यसअघि भारतले सुरु गरेकोे थियो भने बुधवारबाटै बंगलादेशले समेत सुरु गरेको छ ।
विश्व स्वास्थ्य संगठनको प्राथमिकताको आधारमा नेपालमा पनि खोप लगाउनेहरूको सूची तयार गरिएको बताए । पहिलो चरणमा ३ सय खोप केन्द्रबाट स्वास्थ्यकर्मी,सफाइकर्मी र एम्बुलेन्स चालकलगायत अन्य अग्रपंक्तिमा खटिएकालाई खोप लगाइएको स्वास्थ्य मन्त्रालयले जनाएको थियो। यद्यपि प्रदेश २ का आन्तरिक मामिला तथा कानून मन्त्री ज्ञानेन्द्र यादवले जनकपुरस्थित प्रादेशिक अस्पतालमा खोप लगाएर अभियानको सुरुवात गरे। सिरहामा भने प्रमुख जिल्ला अधिकारी प्रदिपराज कणेलसँगै पत्रकार र सुरक्षाकर्मीले समेत खोप लगाए । प्रदेश २ को वीरगञ्ज, जनकपुर र राजविराजबाट मात्र पहिलो दिन खोप लगाउन सुरु गरिएको मन्त्री यादवले बताएका थिए । तर सिरहामा पनि खोप अभियान सुरु भइसक्यो। मन्त्री यादवका अनुसार चाँडै यस प्रदेशका ११ ठाउँबाट खोप लगाउन सुरु गरिनेछ ।
वीरगञ्जमा मुख्यमन्त्री लालबाबु राउत र राजविराजमा सामाजिक विकास मन्त्री नवलकिशोर साहले खोपको शुभारम्भ गरे। तर उनी दुबै जना खोप भने लगाएनन्। मुख्यमन्त्री राउतले प्रदेश २ मा कोरोना संक्रमणको अवस्था न्यून रहेको बेला संघीय सरकारले प्रदेश २ का जनतालाई खोप दिएपछि भय र त्रास हटेर गएको बताए । उनले सबैसँग खोप लगाउन आग्रह पनि गरे। खोप लगाउँदा कुनै नकारात्मक प्रभाव नपार्ने उनको भनाइ थियो। यस्तै सप्तरीको राजविराजमा प्रदेशका सामाजिक विकासमन्त्री साहले ब्यानर पढेर खोप हस्तान्तरण गरी अभियानको शुभारम्भ गरेका थिए । उनले ढुक्क भएर खोप लगाउन आग्रह गरे। भने, ‘खोप लगाएपछि कसैकसैलाई सामान्य असर देखा पर पनि े ती असर केही समयपछि आफैँ हराएर जान्छ । जीवनरक्षाका लागि लगाइने हरक े खोपको सामान्य असर देखापरझँै े यसको सामान्य असर देखिन सक्छ । तर आत्तिनुपर्ने अवस्था छैन ।’ जनकपुरमा मन्त्री यादवपछि प्रादेशिक अस्पतालका नर्स इन्चार्ज सन्ध्या दास र अस्पतालका मेसु डा. प्रमोद यादवले पनि खोप लगाएका थिए । पहिलो चरणमा प्रादेशिक अस्पतालका चिकित्सक, स्वास्थ्यकर्मी, सफाइकर्मी र शववाहन चालकसहित २२५ जनालाई खोप दिइने छ ।
त्यसपछि जिल्लाका अन्य स्वास्थ्य संस्था, निजी अस्पतालका स्वास्थ्यकर्मीलाई खोप दिइने अस्पलतालका मेसु डा. यादवले जानकारी दिए । पहिलो चरणका लागि प्रदेश २ मा ३४ हजार ८०४ डोज कोरोना भ्याक्सिन आएकोमा हालसम्म ३१ हजारभन्दा बढीको नाम संकलन गरिएको स्वास्थ्य निर्देशनालयका निमित्त निर्देशक विजय झाले बताए । उनका अनुसार पहिलो चरणमा खोप लिनेमा २३ हजार ७१ जना चिकित्सक तथा नर्सहरूको नाम दर्ता गरिएको छ । तीमध्ये सरकारी अस्पतालका ११ हजार ७ सय ३७ र निजी अस्पतालका ११ हजार ३ सय ३४ जनाको नाम दर्ता गरिएको छ । त्यस्तै ७ हजार २७ महिला स्वयंसेवीका र एक हजार २०४ सरसफाईकर्मीको नाम दर्ता गरिएको निमित्त निर्देशक झाले बताए । पहिलो चरणमा प्रदेश सरकारले सबैभन्दा बढी धनुषामा ९ हजार १ सय ८२, पर्सामा ४ हजार ९ सय ७१, सर्लाहीमा ४ हजार ७ सय ७२, सिरहामा ३ हजार ९ सय ३०, सप्तरीमा ३ हजार ७ सय ५४, रौतहटमा ३ हजार ६ सय ९, महोत्तरीमा २ हजार १ सय ९१ र बारामा २ हजार ३ सय ९५ डोज खोप लगाउने बताइएको छ ।
सबैलाई विश्वस्त पार्न खोप लगाए : मन्त्री यादव
जनकपुरमा खोप लगाएका प्रदेश २ का आन्तरिक मामिला तथा कानुन मन्त्री ज्ञानेन्द्र यादवले सबैलाई विश्वस्त पार्न खोप लगाएको प्रतिक्रिया दिएका छन्। ‘सर्वसाधारण नागरिक र फ्रन्टलाइनमा खोपप्रति त्रास बढेको थियो’, मन्त्री यादवले भने, ‘तर खोप लगाउदा कुनै साइड इफेक्ट गर्दैन । यो सन्देश दिन आफैंबाट खोप लगाउन सुरु गरे।’ खोपप्रति अफवाह फैलिएकाले त्यसप्रति शंका नहोस् भन्न र खोप सुरक्षित छ भनेर लगाएको उनको भनाइ छ ।
तपाईको प्रतिक्रिया !!