टुडे एक्सप्रेस ।जनकपुरधाम । जनकपुरधाम उपमहानगरपालिका–२१ का ५७२ जनालाई आईतवार जग्गाधनी प्रमाण पत्र वितरण गरिएको छ । नगर प्रमुख लालकिशोर साहले उपमहानगरपालिकाको कुर्थामा आयोजित समारोहमा उनीहरूलाई जग्गाधनी प्रमाण पत्र वितरण गरेका हुन् ।
वितरण गरिएका जग्गाको नापी कार्य १० वर्षअघि नै भएकोमा स्थानीय विवादका कारण वितरण कार्य अन्योलमा परेको थियो। सो अवसरमा नगरप्रमुख साहले आपसी विवादका कारण जग्गाधनी प्रमाण पत्र नपाउने अवस्था उत्पन्न नगर्न आग्रह गरे। ग्रामीण भेगमा इन्च–इन्चको विवाद हुने गरका कार े ण जग्गाधनी प्रमाण पत्र वितरण कार्य प्रभावित भएको चर्चा गर्दै उनले सामान्य विवाद त्यागी उदार बन्नु आवश्यक रहेको धारणा राखे। नापी कार्यालय धनुषाका प्रमुख सुमन मिश्रले आपसी विवादका कारण उत्पन्न हुने असहज अवस्थालाई सहज बनाउन आग्रह गरे।
तपाईको प्रतिक्रिया !!