टुडे एक्सप्रेस । रौतहट । जिल्लाको राजदेवी नगरपालिका वार्ड नम्बर ९ ब्रहमपुरी बाँधमा रहेको सामुदायिक भवनलाई सशस्त्र प्रहरीले स्थायी रुपमा कब्जा गरेको भन्दै स्थानीयरुले बिरोध गरेका छन् । कोबिड १९ को संक्रमण नियन्त्रणको लागि सीमा नाकाबाट मानिस समेतको आवतजावत रोक्ने उद्देश्यले सशस्त्र प्रहरी बल नेपाल ११ नम्बर गण रौतहटले भारतीय सीमाना नजिक राजदेवी नगरपालिका वडा नं ९ को काली मन्दिरस्थित सामुदायिक भवनमा २०७६ बैशाखमा सशस्त्र बेस क्याम्प बनाउने निर्णय गरेको थियो ।
तर उक्त बेस क्याम्प स्थायी रुपमै बस्न थालेपछि स्थानीयहरूले बिरोध गरेका हुन् । स्थानीय विजय दासले सशस्त्र बेस क्याम्प तत्कालीन परिस्थितिलाई हेर्दै राखिएकोमा हाल त्यसको कुनै आवश्यकता नरहेको बताए । उनले बेस क्याम्पले स्थानीयवासीलाई दुख दिने तर पेशेवर तस्करहरूसंग भन्ने साँठगाँठ राख्ने गरेको उनको आरोप छ । सीमावर्ती भारतीय क्षेत्रबाट हुने तस्करीका सामानहरू न्समात्ने तर स्थानीयले घरायसी प्रयोगको लागि ल्याएको सामानमा पैसाको बार्गेनिग गरेको अर्का स्थानीय अमर मण्डलको आरोप रहेको छ । उक्त भवनमा वडामा हुने विवाहका जन्ती, विभिन्न कार्यक्रम, पूजाको स्टोर, अतिथि बास, साधु सन्तको बास, नदी पार गर्न नसकेर वारी फसेकाहरूको बास, लगायत वडाका हरेक किसिमका भेलाहरू हँुदै आएको थियो।
तत्कालीन सशस्त्र प्रहरी उपरीक्षक रोविन कर्नजित र सशस्त्र प्रहरी निरीक्षक अजय कुमार थापाकोको अथक प्रयास र अनुरोधमा उक्त भवनमा कोरोनाको संक्रमण निर्मूल नहुन्जेलसम्म सशस्त्र प्रहरी राख्ने स्थानीयसंग सहमति भएको थियो। गौर भन्सारको मुख्य नाका बन्द भएपनि राजदेवी नगरपालिकामा पर्ने सम्पूर्ण भारतीय नाका पूर्ण रूपमा खुलिसकेको अवस्था छ । सशस्त्र प्रहरीले उक्त सामुदायिक भवन खाली नगर्नाले स्थानीयहरूलाई समस्यामा भएको छ । उक्त भवन खाली गराउन वडाबासी,वडा कार्यालय, नगरपालिका, जिल्ला प्रशासन कार्यालय लगायत बिभिन्न सम्बन्धित निकायमा गुहार लगाई सकेका छन्। सशस्त्र प्रहरीले सर्वसाधारणलाई दुःख दिने र तस्करलाई संरक्षण दिने काम गरिरहेको स्थानीयको आरोप छ ।
सामुदायिक भवन खाली नभए आन्दोलनमा उत्रिन बाध्य हुने स्थानीयहरूको भनाइ रहेको छ । उक्त ठाउँमा सशस्त्र प्रहरीको पोस्ट हुँदाहुँदै पनि नेपाल प्रहरी र सशस्त्र प्रहरीको जिल्लाबाट खटिएका टोलीले बिभिन्न किसिमका तस्करीका सामानहरू समात्दै आइरहेकोले उक्त पोस्टका काम कारवाही माथी शंका उत्पन्न भएको हो। भवनमा रहेको सशस्त्र प्रहरीको पोस्ट हटाउन सहयोगकालागि सम्पूर्ण सम्बन्धित निकायमा स्थानीयहरूले आग्रह समेत गरेका छन् ।
तपाईको प्रतिक्रिया !!