धर्मेन्द्र साह । रौतहट । निरन्तर जाडो बढ्दै गएपछि रौतहट जिल्लामा बिभिन्न संघ संस्थाहरूले अति बिपन्न परिवारहरूलाई राहत स्वरुप न्यानो कपडाहरू बितरण गरको छ । जिल्ला विपद् ब्यबस्थापन समितिको सहकार्यमा ग्रामिण विकास केन्द्र आर डि सी नेपालले रौतहटका इश्नाथ नगरपालिकाका करिब ५०६ घरधुरीलाई न्यानो कपडा बितरण गरिएको हो। इस्लामिक रिलिफ नेपालको सहकार्यमा संचालित परियोजनाको क्रममा सो परिवारहरू बीच न्यानो कपडा बितरण गरिएको हो।
अति बिपन्न परिवारलाई न्यानो कपडा बितरणको क्रममा सो संस्थाले फरक तरिका अपनाएको हो। प्रत्येक परिवारलाई सात हजार ५ सय रुपैयाँको कुपन बाँडी लाभान्वित परिवारलाई आफैले आवश्यकता अनुसारको समान छानेर लिन विशेष पसल खोलिएको थियो। प्रमुख जिल्ला अधिकारी इन्द्रदेव यादव, इशानाथ नगरपालिकाका नगर प्रमुख सन्तोष मेहता तथा गौर नगरपालिकाका उप प्रमुख किरण ठाकुरले सयुक्त रुपमा सो वितरण्को शुभारम्भ गरेका थिए ।
जिल्ला विपद ब्यबस्थापन समिति गौरले दिएको जानकारी अनुसार ग्रामिण विकास केन्द्र आर डि सि नेपालले गुजारा नगरपालिकाको मुसहर वस्तीमा १०० परिवार र कटहरिया तथा मौलापुरमा एक÷एक सय परिवारलाई न्यानो कपडा बितरण गर्न लागेको हो। यस्तै नेपाल रेडक्रस सोसाइटी रौतहटले जिल्ला विपद ब्यबस्थापन समितिलाई ५ सय थान कम्बल उपलब्ध गराएको छ ।
तपाईको प्रतिक्रिया !!