रुपेन्द्र पटेल । रौतहट । अधिकांश बैकहरू शहरउन्मुख भइरहेको बेला रौतहटको चन्द्रनिगाहपुरमा रहेको नबिल बंैक शाखाले कृषि क्षेत्रमा लगानी बढाउन थालेको छ । कृषि बिकास बैंकले समेत किसानलाइ ऋण उपलब्ध गराउन नसकिरहेको अबस्थामा सो बैंकले आफनो क्षेत्रका किसानहरूलाइ सहज रुपमा ऋण उपलब्ध गराउन थालेको हो। गत २०७६ साल कात्तिक ६ गते चन्द्रनिगाहपुर शाखा स्थापना भए यता करिब १८ करोड भन्दा बढी कृषि तथा ब्यक्तिगत ऋण प्रवाह गरेको सो शाखाका प्रबन्धक बिरेन्द्र प्रसाद पटेलले जानकारी दिएका छन्।
स्थापना भएको करिब १४ महिनाको अबधिमा आधा भन्दा बढी ऋण कृषि क्षेत्र मै प्रवाह गरेको उनले जानकारी दिए । अन्य बैंकको तुलनामा यो बैंकले निकै कम ब्याज दरमा ऋण लगानी गर्ने भएकोले पनि स्थानीय ब्यपारीहरू उक्त बैक प्रति आकर्षित भएका छन्। ऋण लिन सहज र ब्याजदर समेत कम भएको कारण यसै बैकबाट कारोबार गदै आएको स्थानीय युवा ब्यबसायी रबी जयसवालले बताए । अन्य बैकले बिभिन्न झमेला दिने र दुःख मात्रै दिएको कारण पनि नबिल बैक आफनो रोजाइमा परेको जयसवालको धारणा छ । बैंकले ८ देखि ८ दशमलव पाँत प्रतिशत सहुलियत दरमा ऋण लगानी गर्दै आएको नबिल बैंक लिमिटेड चन्द्रनिगाहपुरका शाखा प्रमुख पटेलले जानकारी दिएका छन्। शाखा बिस्तार गरेको चौंध महिनाको अवधिमा करिब ३५ करोड रुपैयाँ ऋण लगानी गरी सकेको शाखा प्रबन्धक पटेलले बताए । ३५ करोड मध्ये व्यक्तिगत तथा कृषि कर्जा गरी १८ करोड ३२ लाख र व्यवसाय कर्जामा १६ करोड ६८ लाख रुपैयाँ ऋण लगानी गरेकोे पटेलले जानकारी दिए ।
नेपाल सरकारले कृषि क्षेत्रमा अनिवार्य लगानीको लागि बैकलाई निर्देशन दिएपनि बैकले यस अघि नै कृषि क्षेत्रमा पर्याप्त लगानी गरेको शाखा प्रबन्धक पटेलको भनाइ छ । शाखाले कृषि अनुदान कर्जामा पुरुषहरूका लागि ३.६८ प्रतिशत र महिलाहरूका लागि २.६८ प्रतिशतमा लगानी गर्दै आएको उनले बताएका छन चन्द्रनिगाहपुरमा करीव १६ वटा कमर्सियल बैकहरू भएपनि केही बैकले मात्र एलसीको काम गर्दै आएकोमा नविन बैकले पनि सो सेवा सरल रुपमा उपलब्ध गराएकोले पनि यस बैक प्रति ग्राहकको आकर्षण बढेको उनको धारणा छ । एलसी सेवा भएका कारण स्थानीय व्यापारीहले विदेशबाट सहज रुपमा सामान मगाउन सक्ने र खरिद गर्न सकिने भएका कारण पनि सो बैकप्रति व्यापारीहरूको आकर्षण बढेको चन्द्रनिगाहपुरमा ईलेक्ट्रोनिक समानको व्यापार गर्दै आएका स्थानीय व्यापारी राजु तिवारीले बताए ।
तपाईको प्रतिक्रिया !!