कमलेश ठाकुर । जनकपुरधाम । नेपाली कांग्रेस संसदीय दलको नेता राम सरोज यादवले कम्यूनिष्ट पार्टीलाई अगामी निर्वाचनमा परास्त गर्ने बताएका छन्। शनिबार नेपाली कांग्रेस जनकपुरधाम उपमहानगरपालिका नगर कार्य समितिले आयोजना गरेको विरोध प्रर्दशन कार्यक्रमलाई सम्बोधन गर्दै नेता यादवले अगामी निर्वाचनमा कम्यूनिष्ट पार्टीलाई परास्सत गर्ने बताएका हुन्। कांग्रेसका नेताहरूले सर्वसत्तावाद, कुशासन र भ्रष्टाचार विरुद्ध सिंगो मुलुकमा अवाज उठेकोले अगामी निर्वाचनमा जनताले अलोकतान्त्रिक सरकारको पत्ता साफ गर्ने उनको भनाइ थियो। प्रधानमन्त्री केपी शर्मा ओलीको नेतृत्वको नेकपाको सरकारको संसद विघटनको असंवैधानिक र अलोकतान्त्रिक कदम चालेको उनको आरोप छ ।
‘प्रन्टङ प्रेस, कोरोना समाग्री, बलुवाटार जग्गा प्रकरण लगायत विषयमा गरेको भ्रष्टाचार जनताले देखिसकेका छन्,’ उनले भने, ‘संसद विघटन गर्दा पनि जनता आजित भएका छन्। जनताको अभिमतलाई अपमान गर्ने पार्टीको सरकार अव रहदैन ।’ ओली नेतृत्वको सरकारले संविधान र संघीय व्यवस्था खतरामा रहेको भन्दै काँग्रेसले बचाउने उनले दावी गरे। ‘सरकार व्यवस्था र संविधान सिध्याउने खेलमा लागेको छ,’ उनले भने, ‘नेपाली काँग्रेसले पहिलो प्राथमिकतामा राखेर यसलाई रक्षा गर्छ ।’ पार्टीको केन्द्रीय नेतामा देखिएको मतभेदलाई बचाउ गर्दै लोकतान्त्रिक पार्टीमा विचारको स्वातन्त्रता भएको र निर्णय एउटै आउने उनले बताए । संसद विघटनविरुद्ध नेपाली कांग्रेसले शनिबार देशभर नै प्रदर्शन गरेको छ । ७ सय ५३ वटा पालिकाका ६ हजार ७ सय ४३ वडामा एकसाथ विरोध प्रदर्शन गरेका छन् ।
तपाईको प्रतिक्रिया !!