कमलेश ठाकुर ।जनकपुधराम। गत वर्ष एग्रिम ओभरसिज प्राइभेट लिमिटेड काठमाण्डौंका सञ्चालक जाशर यादवले आफ्नो म्यानपावरमा मलेशियाको लागि राम्रो भिसा आऐको भन्दै गाउँका एजेण्टलाई सुनाए । जाशर आफँै पनि गाउँ आएर धनुषा र महोत्तरीका विभिन्न एजेण्टलाई भेटे। एजेण्टले त्यो खबर वैदेशिक रोजगारीमा जाने युवा समक्ष राख्दै थिए । वेरोजगारीले घरमा आर्थिक संकट थपिएका एक समूहको कानमा पनि खबर पुग्यो। त्यो समूहलाई जाशरको भाइ विपिन यादवले सुनाएका थिए । म्यान पावरका सञ्चालक यादव महोत्तरीकै चक्बा गाउँका हुन् ।
जाशरले त्यसबेला धन्ुषाका एघार र महोत्तरीका एक जना गरी एकै पटक १२ वटा पासपोर्ट संकलन गररे काठमाण्डौं लगे। ०७६ भदौ २७ गते पासपोर्ट लिएको पीडित सञ्जिव साहले बताए । उनका अनुसार जाशरले पासपोर्ट लिएको एक महिनापछि सबै जनाको मेडिकल र फिन्गंरी गराए । मेडिकल पास भएको भन्दै मंसिर १ गते काठमाण्डौं आउनु उडान हुन्छ भनेर बोलाए । काठमाण्डौं पुगेको दुई दिनपछि जाशरले सबै तयारी पूरा भएको र पर्सी उडान हुने भन्दै पैसा बुझान् ताकेता गरे । चिन्जानकै भएको हुनाले उनीहरू सबै जनाले बिना हिच्किचाहट एक लाखको दरले पैसा दिए ।
तर,सञ्चालक जाशरले कर्मचारी बाहिर गएको भन्दै कुनै भरपाइ दिएनन् । तोकिएको समयमा उडान नभऐपछि पुनः उनीहरूले भरपाइ मागे। तर,सञ्चालक जाशरले हरेक पटक बहाना बनाउँदै गयो। उनीहरूलाई त्यती बेला १८ दिन काठमाडौंमा राखे। तर, विभिन्न राष्ट्रिय,अन्तर्राष्ट्रिय समस्या रहेको भन्दै जाशरले निरक्षर रहेका उनीहरूसंग झुट बोल्दै ढाँटे। तीन हप्ताको लामो बसाईपछि उडान नभएपछि आफूहरू निरास भएर घर फर्किएको मलिन स्वरमा राम मण्डलले सुनाए । गाउँमा आउपछि म्यानपावरका सञ्चालक जाशरका भाइ विपिनसंग उनीहरूले भेटघाट गरे। विपिनले दाई साउदी गएको र त्यहाँ उनको दुर्घटना भएको खबर सुनाए । केही समय पर्खिन उनले सबैजनासंग आग्रह पनि गरे। दुई महिना पछि जाशर काठमाण्डौं आएको उनीहरूले थाह पाए ।
समुह एक ठाउँमा भेला भए र विदेश जाने की पैसा फिर्ता दिने भन्दै उनीसंग फेनमा कुरा गरे । जाशरले सबै जनालाई कतार जान आग्रह गरे। लगत्तै उनीहरू काठमाण्डौं पुगे । मेडिकल गराए । पाँच दिनपछि उडान हुने आश्वासन उनले सबैलाई दिए । तर, क्यूबिसी नआएको भन्दै पुनः घर फर्काए । त्यसपछि सञ्चालक जाशर आलटाल गर्दै आएका छन् । ‘फोन गरे भने मोवाइल स्वीच अफ गर्छन्। पठाउने कि पैसा र पासपोर्ट फिर्ता दिन भन्दा उल्टै गाली गर्छन्,’ पीडत सरोज राउतले भने, ‘पैसा दिनुस् नत्र हामी प्रशासन समक्ष जान छौं भने त्यती बेला प्रशासनमा गयौं भने ज्यान मार्ने धम्की दिन्छन् ।’
उनका अनुसार सबै जना गरिब रहेको र ३६ प्रतिशत ब्याज दरमा पैसा ऋण लिएका छन्। दुई पटक मेडिकल, काठमाण्डौंको बसाई गरी प्रति व्यक्ति दुई दुई लाख रुपैयाँ खर्च भइसक्यो। तर, म्यानपावरले उल्टै धम्की दिएको उनले गुनासो गरे । आइतबार ठगिएको भन्दै सवैजनाले टुडे एक्सप्रेसको जनकपुरधाम कार्यालयमा आफ्नो पीडा सुनाएका छन् ।
तपाईको प्रतिक्रिया !!