टुडे एक्सप्रेस । जनकपुरधाम । चुरे तथा वन जङ्गल संरक्षण अभियानले चुरे बचाउन आन्दोलन घोषणा गरेको छ । बुधबार अभियानले पाँच बुंँदे माग राख्दै विभिन्न चरणको आन्दोलन घोषणा गरको े हो। आन्दोलनका संयोजक सुनिल कुमार यादवले चुरे जोगाउन पटक पटक सरकारलाई पत्राचार गरेपनि वेवास्ता गरेको भन्दै आन्दोलन घोषणा गरेको जानकारी दिए ।
उनका अनुसार अभियानले पुस ७ देखि १८ गतेसम्म चरणबद्ध आन्दोलनको घोषणा गरिएको छ । पुस ७ गते मुख्यमन्त्री कार्यालय अगाडि विरोध धर्ना, ८ गते उद्योग पर्यटन तथा वन मन्त्रालय अगाडि,धर्ना, १२ गते प्रदेश २ का आठै जिल्लामा डिभिजन वन कार्यालय अगाडि विरोध धर्नासंगै ज्ञापनपत्र बुझाइनेछ । त्यसैगरी अभियानले पुस १३ गते आठै जिल्लाको जिल्ला प्रशासन कार्यालय अगाडि विरोध धर्नासंगै ज्ञापनपत्र, १७ गते सिरहाको चौहवामा सरकारविरुद्ध विरोध प्रर्दशन र पुस १८ गते रौतहटको गौरमा विरोध प्रर्दशन गर्ने संयोजक यादवले जानकारी दिएका छन्।
अभियानले यसयघि पनि विभिन्न माग राख्दै तीनै तहको सरकारलाई ध्यानाकर्षण गराएको थियो। तर, माग सम्बोधन भएको छैन ्। अभियानले मिथिला नगरपालिकाका ओम प्रकाश भनिने दिलिप महतोलाई पर्यावरण शहिद घोषणा गर्नु पर्ने, प्रदेश २ सरकारले अनुमति दिएका क्रसर उद्योगमा छानबिन गरी मापदण्ड विपरीतलाई तत्काल बन्द गर्न‘पर्ने र सिरहामा सञ्चालित मारुती सिमेन्टले कानुन विपरीत अतिक्रमण गरेको जग्गा पुनः वनको नाममा फिर्ता हुनु पर्ने माग अघि सारेको छ । रौतहटमा सागरनाथ वन विकास परियोजनाको अतिक्रमित दुई सय हेक्टर जग्गा फिर्ता गर्नु पर्ने र विपि पुष्पलाल सामुदायिक वन रौतहटको एकसय हेक्टर अतिक्रमित जग्गा फिता गर्नुपर्ने माग राखेको छ । अभियानले ‘चुरे भावर जोगाउ र मधेश मरभूमि हुनबाट बचाउ’ नारा दिएर यसअघि पनि सरकारविरुद्ध प्रर्दशन गरेकोे थियो ।
तपाईको प्रतिक्रिया !!