टुडे एक्सप्रेस । जनकपुरधाम । प्रदेश २ मा पछिल्लो २४ घण्टामा आईतवार मात्र ८ कोरोना संक्रमित थपिएका छन् भने ५० जना कोरोनामुक्त भएको प्रदेश स्वास्थ्य निर्देशनालयले जनाएको छ । १७ महिला र १३ पुरुष गरी कुल ५० जना कोरोनामुक्त भएका हुन्। आइतबार धनुषामा एकजना महिला, महोत्तरीमा दुईजना पुरुष,सप्तरीमा दुई पुरुष, एक महिला गरी तीन जना र बारामा दुईजना पुरुष गरी आठ नयाँ संक्रमित थपिएका छन् ।
हालसम्म १६ हजार ९३० जना संक्रमित भएका बनेका छन् । जसमध्ये १६ हजार दुई सय ९९ जना संक्रमणमुक्त भइसकेको मन्त्रालयले जनाएको छ । अहिले प्रदेश २ मा ४२१ जना सक्रिय संक्रमित छन् । कोरोना संक्रमणबाट हालसम्म यस प्रदेशमा १६३ पुरुष र ३९ महिला गरी २०२ जनाको मृत्यु भइसकेको छ ।
तपाईको प्रतिक्रिया !!