सन्तोष यादव । जनकपुरधाम । जनकपुरधाममा श्रीमती र छोरीमाथि एसिड प्रहार गर्ने युवक र एसिड बिक्री गरेका व्यापारीलाई १५ वर्ष ६ महिना कैद र क्षतिपुर्तीसहित जिल्ला अदालत धनुषामा बुधवार अभियोगपत्र दायर गरिएको छ । जनकपुरधाम उप–महानगरपालिका २० का सञ्जिव साहले वडा ७ माइतमा बस्दै आएकी २१ बर्षीया आरती साह र तीन बर्षीया छोरी रिया साहमाथि कार्तिक २९ गते एसिड प्रहार गरेका थिए । सोही दिन साहलाई प्रहरीले पक्राउ गरेको थियो ।
साहमाथि अनुसन्धान गर्दा वयानमा निखिल स्टोरबाट ८० रुपैयामा एक बोतल एसिड खरिद गरेको बयान प्रहरी समक्ष दिए । लगत्तै प्रहरीले निखिल स्टोरमा छापा माररे ५८ बोटल एसिड बराद गर्नुका साथै संचालक नागेन्द्र साहलाई समेत नियन्त्रणमा लिए । अहिले दुवैजना प्रहरी हिरासतमा छन् । जिल्ला सरकारी वकिल कार्यालयले बुधवार पत्रकार सम्मेलन गरी एसिड प्रहार गर्ने सञ्जिव र एसिड उपलब्ध गराएर मतियारको काम गर्ने नागेन्द्रमाथि अंगभंग र कुरुप बनाएको शिर्षकमा अदालतमा अभियोगपत्र दायर गरिएको न्यायधिवक्ता सिताराम अर्यालले जानकारी दिए । उनले कानुन बमोजिम उपचार खर्च र क्षतिपूर्तीसमेत उपलब्ध गराउनुपर्ने माग दावी गरेको बताए । उनका अनुसार एसिड प्रहरी गरी अंगभग गरेको अभियोगमा ५ वर्ष, कुरुप बनाएको कसुरमा ८ वर्ष र एकीकृत कसुरमा २ वर्ष ६ महिना गरी कुल १५ वर्ष ६ महिना कैद दुवै जनामाथि हुनुनपर्ने माग दावीसहितको अभियोपत्र दायर भएको छ । ‘आवरण पृष्ठभुमी हेर्दा सञ्जिव र उनका श्रीमतीबीच एकवर्षदेखि विमेलको अवस्था देखिन्छ’, उनले भने, ‘श्रीमती र श्रीमान फरक फरक ठाउँमा बसेको देखिन्छ । विवाद बढ्दै जाँदा सञ्जिवले पूर्वाग्रही अर्थात रिसिबीले एसिड प्रहार गरेको अनुसन्धानबाट खुलेको छ ।’ उनले भने, ‘एसिड प्रहारको घटना बढेपछि सरकारले ०७७ असोज १२ गते अध्यादेश जारी भएको अवस्था छ । अध्यादेश आइसकेपछि जनकपुरधाममा भएको एसिड घटना पहिलो हो। त्यसैले यो आमचासोको विषय हुनसक्छ भनेर पत्रकारसम्मेलन माफर्त अभियोग–पत्रकार जानकारी
गराएका छौं ।’
आरती अस्पतालमै
आरती घरको ढोकामा उभिरहेको बेलामा श्रीमान सञ्जिवले दाहिने अनुहारमा पर्नेगरी एसिड प्रहार गरेका थिए । एसिडले आरतीको स्तन, घाँटी, छातीलगायतका भाग जलेको छ । अहिले कीर्तिपुर अस्पतालमा उपचार भइरहेको उपचाररत उनको दाहिने आँखाको ज्याती नै गुमेको छ । उनको अनुहारको दाहिने भागको छाला प्रत्यारोपण गरिएको छ । छोरीको पनि जीवनभर नमिटिने गरी हातमा खत रहने जानकारी चिकित्सकबाट पाएको न्यायधिवक्ता अर्यालको भनाई छ ।
तपाईको प्रतिक्रिया !!