जनकपुरधाम । प्र्रहरी आचरण बिपरीत कृयाकलापमा संलग्न देखिएका २१ जना प्रहरी प्रदेश २ मा नलम्बनमा परेका छन् । बिभिन्न मुद्दामा आर्थिक प्रलोभनमा पररे मर्यादा बिपरीत काम गरेका प्रहरी उपरीक्षकदेखि प्रहरी
जवानसम्म गत साउनदेखि हालसम्म २१ जना निलम्वनमा परेका हुन् । प्रदेश प्रहरी प्रमुख डिआईजी धिरज प्रताप सिंहले मंगलवार एक कार्यक्रममा आचरण बिपरीत जो कोहीले पनि काम गरेको पाइएमा कानुन बमोजिम कडा कारबाही
गरिने चेतावनी दिएका छन् । जनताको ज्यानधनको शान्ति सुरक्षाको लागि नेपाल प्रहरी अहोरात्र खटेको चर्चागर्दै प्रदेशमा कतै कुनै किसिमको गलत कृयाकलाप, शंकास्पद गतिबिधि भएको पाइएमा सीधा आफुलाई जानकारी दिन उनले आग्रह गरेका छन् । समाजमा हुनेगरेको अपराध नियन्त्रण प्रहरी एक्लैले मात्र नसक्ने हुनाले नागरिकले दिने एउटा सानो सुचनाले भोलिको ठूलो अपराध नियन्त्रण हुने डिआईजी सिंहले विश्वास ब्यक्त गरेका छन् ।
गत साउन यता रौतहटमा भएको ८ वटा हत्यामा संलग्न अभियुक्तलाई प्रहरीले पक्राउ गरिसकेको चर्चागर्दै प्रहरी हिरासतमा मृत्यु भएका गरुडा नगरपालिका ८ का १९ बर्षीय बिजयराम चमार हत्या प्रकरणको कार्वाही अगाडि बढिसकेको जानकारी दिएका छन् । बिजयराम हत्या प्रकरणमा आरोपी निलम्बित एसपी रबिराज खडका,डिएसपी ज्ञानकुमार महतो, ईन्स्पेक्टर नविनकुमार सिंह,सई बिरेन्द्र यादव,दुईजना हवलदार सहित सबैलाई हिरासतमा राखेर अनुसंधान गरिने डिआईजी धिरज प्रताप सिंहले बताएका छन् । उनीहरू बिरुद्धको जाहेरी जिल्ला प्रहरी कार्यालय रौतहटमा दर्ता भएपछि निलम्बित एसपी खडका, डिएसपी महतो, ईन्स्पेक्टर सिंह, सई यादवसहित आरोपी सबैजना फरार भएकाले प्रहरीले गम्भीरतासाथ उनीहरूको खोजी गरिरहेको जानकारी दिएका छन् ।
बिगतमा बिभिन्न अपराधमा संलग्न रहेका लामो समयदेखि फरारको सुचीमा रहेका सात सय ४५ जना अभियुक्तलाई साउन यता पक्राउ गरिएको उनले जानकारी दिए । प्रदेश २ को आठवटै जिल्लामा जारी गरिएको फरार अभियुक्त पक्राउ अभियान अन्तर्गत उनीहरूलाई पक्राउ गरी कानूनको कठघरामा उभ्याइएको डिआईजी सिंहले बताएका छन् । त्यसैगरी गत आर्थिक बर्षको तुलनामा प्रदेश २ मा साउनदेखि कात्तिक मसान्तसम्म अढाइ गुणा बढी राजस्व संकलन भएको प्रदेश प्रहरीले जनाएको छ ।
मात्र ४ महिनाको अवधिमा प्रदेशका सबै जिल्लामा ३४ करोड रुपैयाँ बराबरको सामान बरामद भएको छ भने गत बर्ष यो अवधिमा मात्र १४ करोडको सामान बरामद भएको प्रदेश प्रहरीको तथ्यांकमा उलेख रहेको छ । रौतहटका बिजयराम मृत्यु प्रकरणमा गृहमन्त्रालयद्वारा खटाइएका उपसचिव स्तरीय छानबिन टोलीले स्थलगत अनुगमन निरीक्षण पश्चात घटनामा तत्कालीन रौतहट प्रहरी प्रमुख एसपी रबीराज खडका, ईप्रका गरुडाका प्रमुख डिएसपी ज्ञानकुमार महतो, ईन्सपेक्टर नविनकुमार सिंह, सई बिरेन्द्र यादवलगायत ८ जनालाई दोषी ठहर गर्दै कार्वाहीको लागी सिफारिस गरेकोे थियो ।
तपाईको प्रतिक्रिया !!