काठमाण्डौ । नेपालमा थप १ हजार ५६ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ६ हजार २ सय ८६ पिसिआर परीक्षण गर्दा ३ सय ८६ महिला र ६ सय ७० जना पुरुष गरि थप १ हजार ५६ जनामा कोरोना सङ्क्रमण पुष्टि भएको हो । कोभिड–१९ सम्बन्धी राष्ट्रिय अपडेट दिँदै मन्त्रालयका प्रवक्ता डा.जागेश्वर गौतमले नयाँ सङ्क्रमित थपिएसँगै नेपालमा कोरोना भाइरसका कारण सङ्क्रमित हुनेको संख्या २ लाख ४४ हजार ४ सय ३३ पुगेको बताउनुभयो ।
यस्तै पछिल्लो २४ घन्टामा थप १ हजार ४ सय ८३ जना कोरोना सङ्क्रमित स्वस्थ भएका छन् । योसँगै नेपालमा कोरोना सङ्क्रमणपछि निको हुनेको संख्या २ लाख ३० हजार ५ सय ३७ पुगेको छ । यो दर कुल सङ्क्रमितको ९४ दशमलव ३ प्रतिशत हो । मन्त्रालयका अनुसार पछिल्लो २४ घन्टामा थप १४ जना कोरोना सङ्क्रमितको मृत्यु भएको छ ।
योसँगै नेपालमा कोरोना सङ्क्रमणका कारण मृत्यु हुनेको संख्या १ हजार ६ सय ५१ पुगेको छ ।
तपाईको प्रतिक्रिया !!