जनकपुरधाम । मंसिर २४ गते । धनुषाको सबैला नगरपालिकामा शतप्रतिशत विद्यार्थीलाई विद्यालयमा पु¥याउन घरदैलो अभियान सुरु भएको छ । असमान नेपाल नामको गैर सरकारी संस्थाले पालिकामा सञ्चालन गरेकोे निक शिक्षा दिअ परियोजना अन्तरगत प्राथमिक तहका शत प्रतिशत विद्यार्थिलाई विद्यालयमा पु¥याउन अभियान सुरु गरिएको हो । पालिकामा २५ वटा सामुदायिक विद्यालय सञ्चालनमा छ ।
आयोजक संस्थाले गरेकोे सर्वेक्षण अनुसार आठ सय ८५ जना विद्यार्थी विद्यालय पहुँच भन्दा बाहिर रहेको छ । शिक्षा दिअ परियोजनाका पालिका संयोजक सुरेश यादवकोे अनुसार विद्यालय बाहिर रहेका तीन वर्षदेखि ९ वर्ष उमेर समुहका सबै विद्यार्थीलाई विद्यालयमा भर्ना गरी नियमित
पठनपाठन गर्ने उद्देश्यले अभियान थालिएको छ । ‘प्राथमिक शिक्षाका शत प्रतिशत विद्यार्थीलाई विद्यालयमा पु¥याउन अभियान सुरु भएको
छ,’ उनले भने, ‘घर दैलोको मुख्य उद्देश्य सिकाइ उपलब्धिमा सुधार ल्याउने र विद्यालय भर्ना भएका विद्यार्थीलाई नियमित विद्यालय पठाउने रहेको छ ।’ सबैला नगरपालिका–८ का ९९ प्रतिशत विद्यार्थी भर्ना भइसकेको छ ।
परियोजनाको अगुवाईमा घरदैलो कार्यक्रम सञ्चालन गरिएको छ । वडा अध्यक्ष दुर्गाप्रसाद राय, निक शिक्षा दिअ परियोजनाका पालिका संयोजक सुरेश यादव,सरस्वति मावि ठिल्ला सबैलाका प्रधानाध्यापक नथुनी साह, जनता प्रावि ठिल्लाका प्रधानाध्यापक दिनेश राय, युवा सुधार समिति ठिल्लाका अध्यक्ष ईन्जिनियर दिपेन्द्र राय, वडास्थित विभिन्न राजनीतिक दलका प्रतिनिधि, सामाजिक अगुवा लगायत व्यक्तिहरूको सहभागिता रहेको थियो ।
तपाईको प्रतिक्रिया !!