जनकपुरधाम । रंगभुमी मैदान बाह्र विघामा जारी जनकपुरधाम टी–२० क्रिकेट प्रतियोगितामा धनुषा र धमौरा विजय भएको छ । मंगलबार भएको दुई छुटाछुट्टै खेलमा धनुषा रोयल क्रिकेट एकेडमी र धमौरा क्रिकेट
एकेडमी विजय भएको हो। पहिलो खेलमा उमगाउ क्रिकेट टिमलाई १८ रनले पराजित गर्दै धमौरा क्रिकेट एकेडमी विजय भएको छ । टस पराजित भएर पहिला ब्याटिङ गरका धमौराले निर्धारित २० ओभरमा ८ विकेट गुमाएर १ सय ४० रनको लक्ष्य उमगाउ समक्ष प्रस्तुत गरे ।
धमौराको तर्फबाट उत्कर्ष कुमारले २८ बलमा १३ रन,अतुल कुमार २६ बलमा ३० रन र सार्वधिक २२ बलमा ३३ रन नट आउट तुसारले बनाए । धमौराका लागि अन्य ब्याट्स म्यानले दोहरो अंकमा रन बनाउन सकेनन् । उमगाउको तर्फबाट बलिङ गर्दै शेखर झाले ४ ओभरमा २१ रन खेर्चर ४ विकेट लिए । निशु, दिव्यंशु,रिपुञ्जय र सरोज यादवले समान १÷१ विकेट लिए । १ सय ४० रनको लक्ष्य पाएका उमगाउले जवाफी बयाटिङ गर्दै पुरा २ ० ओभर खेल्दै ९ विकेट गमाएर १ सय २१ रनम मात्रै बनाउन सके ।
उमगाउको तर्फबाट ब्याटिङ गर्दै हर्षराज पुरुले २५ बलमा २० रन, शेखर झाले ३० बलमा २४ रन र संजय यादवले ९ बलमा १५ रनको योगदान दिए । उमगाउका लागि अन्य ब्याट्स म्यानले दोहरो अंकमा रन बनाउन सकेनन् । धमौराको तर्फबाट बलिङमा उत्रेका बिनोद सहनी, उत्कर्ष कुमार र आशिषले समान २÷२ विकेट लिए । यस्तै फिरदोस अन्सारी र तुसारलेसमेत समान १-१ विकेट लिए । यस्तै, मंगलबार नै भएको दोस्रो खेलमा धनुषा क्रिकेट एकेडमीले फुलहटा क्रिकेट टिमलाई ७५ रनले पराजित गरकोे छ । टस जितेर पहिला ब्याटिङ राजेका घरलु टिम धनुषाले पुरा २० ओभरमा ६ वकेट गमाएर १ सय ६७ रनको लक्ष्य फुलहटा समक्ष प्रस्तुत गरे । धनुषाको तर्फबाट ब्याटिङ गर्दै सार्वधिक संतोष कार्कीले ६० बलमा ८३ रन, सुधिर चौधरीले २५ बलमा ३७ रन र अन्जनी मण्डलले १९ बलमा २१ रनको योगदान दिए । फुलहटाको तर्फबाट बलिङ गर्दै विनोद मुखियाले ४ र आशिक चौधरीले १ विकेट लिए ।
१ सय ६७ रनको लक्ष्य पाएका फुलहटाले जवाफी ब्याटिङ गर्दै १९ ओभर ४ बलमा अलआउट हुँदै ९१ रनमा समेटिए । फुलहटाको तर्फबाट ब्याटिङ गर्दै अमित महतोले ३५ बलमा २१ रन, गजेन्द्र ठाकुरले ३० बलमा २७ रन र इजराइल राइनले १७ बलमा १३ रन बनाए । फुलहटाको तर्फबाट अन्य ब्याट्स म्यानले दोहरो अंकमा रन बनाउन सकेनन्। धनुषाको तर्फबाट बलिङ गर्दै शैफुला अन्सारीले तीन विकेट, रुपेश यादव २ विकेट लिए । खेलको म्यान अफ द म्याच संतोष कार्की घोषित भए ।
तपाईको प्रतिक्रिया !!