टुडे एक्सप्रेस । जनकपुरधाम । रौतहटमा बन अतिक्रमण हटाउने अभियानलाई तिब्रता दिइएको छ । व्यक्तिको नाउबाट दर्ता खारज गरी झण्डै पाँच बर्षपछी सरकारको नाउमा आएको राष्ट्रिय वन क्षेत्रको १२२ बिघा जग्गा रौतहटका सिडिओ ईन्द्रदेव यादवको नेतृत्वमा कार्यालय प्रमुखहरूले निरीक्षण गरका छन् । जग्गाको स्थलगत निरिक्षण पश्चात बिगत लामो समयदेखी अतिक्रमण भएको अन्य जग्गा खाली गराउने अभियान नै चलाएको डिविजन बन कार्यालय रौतहटका प्रमुख बिनोद कुमार सिंहले बताए ।
अभियान अन्तर्गत नै गुजरा नगरपालिका ९ साविक रंगपुर गाबिस ५ मा रहेको बन क्षेत्रको १२२ बिघा जग्गाको दर्ता गत कार्तिक २७ गते दर्ता खारज भएकोे थियो । गत कात्तिक २३ गते जिल्ला प्रशासन कार्यालय, नापी कार्यालय, मालपोत कार्यालय र डिभिजन वन कार्यालय रौतहटको संयुक्त बैठकको निर्णयको आधारमा गत कात्तिक २७ मा मालपोत कार्यालय चन्द्रपुरले २६ जनाको नाममा रहेको दर्ता खारज गरी वन क्षेत्रको कायम गराइयो । सिडिओ ईन्द्रदेव यादव र बन प्रमुख बिनोद कुमार सिंहको सक्रियतामा व्यक्तिको नाममा रहेको बन क्षेत्रको जग्गाको श्रेस्ता बदर गरिएको छ । अहिले सो जग्गा नेपाल सरकारको नाममा फिर्ता ल्याएको डिविजन बन कार्यालय चोँचाका प्रमुख राजेश साहले बताए ।
गुजरा खोल्सीदेखि पूर्व आवादी गाउँदेखि पश्चिम, बागमती सिचाइको नहरदेखि दक्षिण, गुजरा खोल्सीदेखि उत्तरको वन क्षेत्रको सो जग्गा बर्षौ अघि सर्लाही, ओखलढुंगा,काठमाडौं, रामेछाप, सिन्धुली, सोलुखुम्बु,सिन्धुपाल्चोक, रौतहट लगाएत जिल्लाका २६ जनाले २०७२ सालमा आफ्नो नाममा दर्ता गराएका थिए । रौतहटमा २९ हजार चार सय हेक्टर बनक्षेत्र रहेकोमा बिभिन्न कालखण्डमा हालसम्म ३१ सय ९० हेक्टर बनक्षेत्र अतिक्रमण भईसकेको बन प्रमुख बिनोद कुमार सिंहले बताए ।
उनका अनुसार मैढा, चोँचा, गैँडाटार, भोल्नटार,चेतनगर, बलेरीलगायत वनको चारतर्फ जग्गा अतिक्रमण भएको छ । सबभन्दा बढी तत्कालिन माओबादी द्धन्दकालमा बनक्षेत्रको जग्गा अतिक्रमण भएको बताउँदै बन कार्यालयले एकलै चाहेर खाली नहुने अवस्था रहेको छ । सहभागिता मुलक बन ब्यवस्थापन पद्धती अपनाएर सामुदायीक वन, साझेदारी वन, धार्मीक वन, स्थानिय प्रशासन, प्रहरी, वन उपभोक्ता,राजनितिक दल सबै मिलेर अतिक्रमणको चपेटामा परेको वन क्षेत्र खाली गराउने अभियान अन्तर्गत नै एकसय २२ बिगहा जग्गा फिर्ता भएको र बाँकी क्रमशः फिर्ता गराउने पहल भईरहेको प्रमुख सिंहको भनाई छ ।
अनुगमनकै क्रममा गुजरा नगरपालिकाद्धारा निर्माण हुन लागेको फनपार्क समेत स्थलगत निरिक्षण गरिएको छ । पर्यटकलाई आकर्षित गर्न तथा वनको जग्गा अतिक्रमण हुन नदिने उदेश्यले गुजरा नगरपालिका, डिविजन वन कार्यालय, प्रधानमन्त्री चुरे संरक्षण कार्यक्रम उपभोक्ता लगायतका आर्थिक लगानीमा फनपार्क निर्मााण भईरहेको शिव शक्ती सामुदायिक वनका अध्यक्ष ज्ञानेन्द्र चौधरीले बताए । फनपार्क निर्माणमा हालसम्म झण्डै दुई करोड रुपैया खर्च भईसकेको तथा चार करोडको योजना रहेको गुजरा नगरपालिकाका मेयर सन्तलाल चौधरी बताउँछन् ।
तपाईको प्रतिक्रिया !!