दुई महिलाको मृत्यु शंकास्पद

टुडे एक्सप्रेस । जनकपुरधाम । मंसिर १२ थते । सिरहाको लहान नगरपालिका ८ शोभापुरमा २५ वर्षीय यसरात खातुनको शंकास्पद मृत्यु भएको छ । मृतकको पति दिल मोहम्मद वैदेशिक रोजगारमा रहेकाले उनी दुई छोराछोरीसहित आफ्नै घरमा बस्दै थिइन्। स्थानीयका अनुसार उनलाई सोमबार राति नातामा पर्ने सासु–ससुराले कुटपिट गरका थिए । घाइते खातुनले स्थानीय औषधी पसलमा उपचार गराएको भएपनि उनको बुधबार बेलुका मृत्यु भएको प्रहरीले जनाएको छ । स्थानीयका अनुसार मृत्युपछि केही व्यक्तिले एम्बुलेन्समा राखेर उपचार गराउन भन्दै अस्पताल पुर्याएपनि अस्पतालले मृत घोषणा गरेको ईलाका प्रहरी कार्यालय लहानका डिएसपी सरत थापा क्षेत्रीले जानकारी दिए । महिलालाई कुटपिट गर्ने आरोपित एक जनालाई अनुसन्धानको लागि नियन्त्रणमा लिएको प्रहरीले जनाएको छ । घटनाबारे थप अनुसन्धान भइरहेको छ ।

घटनाको विषयमा पोष्टमार्टमपछि सबै कुरा खुल्ने प्रहरीले भनाइ छ । मृतकका आमाबुबाले कुटपिटबाट छोरीको मृत्य’ भएको दावी गरेका छन्। शवलाई पोष्टमार्टमका लागि लहानस्थित राउ स्मारक अस्पतालमा राखिएको छ ।

यता जनकपुरधाममा पनि एकजना महिला मृत अवस्थामा फेलापरेकी छन्। जनकपुरधाम उपमहानगरपालिका – ७ बेलाकुटीमा कोठा भाडा लिएर बस्दै आएकी महिला बिहीबार मध्यान्ह मृत फेला परको प्रहरीले जनाएको छ । कैलया घर भएका राजेश चौरसियाकी श्रीमती रखा चौरसियाको मृत शरीर फेला परको धनुषाका प्रहरी नायव उपरीक्षक मकेन्द्र मिश्रले जानकारी दिएका छन्। उनीहरू जनकपुरधाममा घर भाडा लिएर बसिरहेका थिए । मृतक महिलाको शव पोष्टमार्टमका लागि प्रादेशिक अस्पताल जनकपुरधाम राखिएको छ । घट्ना सम्बन्धमा अनुसन्धान भइरहेको छ । प्रहरीले मृतक महिलाको श्रीमान् फरार रहेको जनाएको छ ।