सिमानाका खोल्न जसपाको माग

जनकपुरधाम । मंसिर १० गते । जनता समाजवादी पार्टी नेपालले कोरोना संक्रमणको जोखिमका कारण बन्द गरिएका भारतिय सिमा नाकाहरू तत्काल खुला गर्न माग गरकोे छ । जसपाका अध्यक्षद्धय उपेन्द्र यादव र महन्थ ठाकुरले संयुक्त रुपमा विज्ञप्ति जारी गर्दै लामो समयदेखि सिमानाका बन्द हुँदा सिमा क्षेत्रका नागरिकको जनजीवन कष्टकर हुने अवस्थामा पुगेको भन्दै तत्काल सिमानाका खुला गरी व्यवस्थित र सहज बनाउन आग्रह गरका हुन् ।

लामो समय सिमानाका बन्द गरिँदा सिमा क्षेत्र तराई–मधेसका नागरिकमा कृषि, शिक्षा, स्वास्थ्य उपचार, रोजगार, आर्थिक, समाजिक आदि क्षेत्रमा गम्भीर समस्या देखा परिरहेको जसपाको ठहर छ । सीमानाका बन्द हुँदा मुलुककै अर्थतन्त्र धरासयी बनेको विज्ञप्तिमा उल्लेख छ । साथै जसपाले कोरोना महामारी अझै फैलन नदिन प्रभावकारी ढंगले काम गर्न,चिकित्सक तथा स्वास्थ्यकर्मीको जोखिम भत्ताको उपलब्धता, अस्पताल, स्वास्थ्य उपकरण,जनशक्ति र औषधि यथाशीघ्र उचित ब्यवस्थापन गर्न आग्रह गरको छ ।